Haiti
Atik

Enfòmasyon ak analiz

Kondisyon tan an : Nesesite pou moun mete mas, linèt pwoteksyon ak chapo, jis rive mèkredi 21 avril 2021 an, akoz pousyè nan anviwonman peyi d Ayiti an

Ekri jou dimanch 18 avril 2021

Pòtoprens, 18 avril 2021 [AlterPresse] --- Koumansman semenn sa a, anviwonman peyi d Ayiti an bonbade ak pousyè, ki soti nan zòn Sahara, nan Nò peyi Afrik yo, plis sann, ki soti nan vòlkan Lasoufriyè, ki sou brenzeng, depi vandredi 9 avril 2021 an, sou zile Sen Vensan ak Grenadin yo, dapre enfòmasyon ajans sou entènèt AlterPresse ranmase.
Akoz pousyè sab Sahara sa yo, plis sann vòlkan Lasoufriyè sa a, ki sou brenzeng depi vandredi 9 avril 2021 an, pwoteksyon sivil nan peyi d Ayiti mande tout moun evite espoze tèt yo twòp deyò, mete mas ak linèt ki ka pwoteje je yo, mete tou chapo oswa kepi, nan tèt, (...)

Ayiti-Klima laterè : Plizyè fidèl pran nan gaz lakimojèn Lapolis nan legliz Sen Pyè, yon machin Nissan patrol boule, nan finansman yon mès, 15 avril 2021 an, kont kidnaping

Ekri jou jedi 15 avril 2021

Pòtoprens 15 avril 2021 [AlterPresse] --- Jedi 15 avril 2021 an, Lapolis gaye yon mouvman, plizyè militan politik t ap fè bò plas legliz katolik women Sen Pyè, Petyonvil, pou mande prezidan defakto a Jovenel Moïse kite pouvwa a, dapre sa AlterRadyo/AlterPresse obsève.
Mouvman sa a te fèt, nan finansman yon mès, nan legliz katolik women Sen Pyè, Petyonvil, pou denonse zak kidnaping nan peyi d Ayiti.
Nan moman leve kanpe sa a, manifestan yo te mete dife nan yon machin Nissan patrol koulè blanch, ki gen yon ansyen plak ofisyèl OF 00452. Sa ki ta pral pouse polisye nasyonal, ki te prezan nan espas la, (...)

Ayiti-Edikasyon : Plizyè dizèn élèv lise nan Pòtoprens manifeste nan lari, pou ekzije prezans pwofesè nan sal klas yo

Ekri jou lendi 12 avril 2021

Pòtoprens, 12 avril 2021 [AlterPresse] --- Plizyè dizèn élèv lise Alexandre Pétion ak Toussaint Louverture manifeste nan lari pòtoprens, jodi lendi 12 avril 2021 an, pou exije prezans pwofesè nan sal klas yo, dapre sa ajans sou entènèt AlterPresse te obsève.
« Avni nou menase. Yo vle kraze lekòl. Ou wè sa w fè, yo wè sa w fè Leta », te pami eslogan, ki te nan bouch elèv lise, ki t ap manifeste yo, pandan yo t ap pase, ak kaye nan men yo, douvan palè nasyonal.
Pandan manifestasyon an, yon elèv deklare « ensekirite a twòp pou nou. Nou pa ka jwenn pwofesè, alòske nou pral nan egzamen ».
Manifestan yo mande (...)

Ayiti-Kidnaping : Plizyè enstitisyon nasyonal ak entènasyonal ekzije bandi ak zam lage san kondisyon, plis pase 10 moun yo kidnape samdi 10 ak dimanch 11 avril 2021 an

Ekri jou lendi 12 avril 2021

Pòtoprens, 12 avril 2021 [AlterPresse]--- Plizyè enstitisyon nasyonal ak entènasyonal ekzije bandi ak zam lage, prese prese, san kondisyon, plis pase 10 moun yo dappiyanp, samdi 10 ak dimanch 11 avril 2021 an, nan plizyè nòt separe ki rive jwenn AlterPresse.
Konferans ayisyen relijye yo (Chr) di li gen gwo doulè, men sitou anpil kòlè, douvan sitiyasyon malouk, peyi a ap konnen depi plis pase dis lane, alòske reponsab Leta yo montre yo pa kapab pote okenn solisyon nan sityasyon laterè sa a, nan yon nòt pou laprès.
Konferans ayisyen relijye yo rele anmwe douvan zak kidnaping la, pandan l tou profite (...)

Ayiti : Plizyè santèn fanm te mache, 3 avril 2021 an, nan lari Pòtoprens, kont diktati an ak pwojè referandòm ekip defakto an

Ekri jou lendi 5 avril 2021

Pòtoprens, 5 avril 2021 [AlterPresse] --- Samdi 3 avril 2021 an, jounen mouvman nasyonal fanm ayisyèn yo, sou lobedyans plizyè òganizasyon fanm, plizyè santèn fanm te mache nan lari Pòtoprens, kont diktati an ak kont pwojè referandòm ekip defakto an, dapre enfòmasyon ajans sou entènèt AlterPresse ranmase.
Soti kafou wout Aryopò entènasyonal Pòtoprens ak wout Dèlma, ki rele kafou rezistans, depi finisman laane 2019 lan, mach sa a te pase Nazon, Bwa Vèna, epi desann Chann Mas, kote l ta pral bout douvan plas konstitisyon 1987 la.
Yon gwoup rara fanm te akonpaye fanm ki t ap manifeste yo, ki t ap mande (...)

0 | 5 | 10 | 15 | 20 | 25 | 30 | 35 | 40 | ... | 395