Haiti
Atik

Enfòmasyon ak analiz

Ayiti-Ensekirite : 938 moun pèdi lavi yo pandan lane 2020 an, dapre Rnddh

Ekri jou mercredi 30 décembre 2020

Pòtoprens, 30 desanm 2020 [AlterPresse] --- 938 moun pèdi lavi yo pandan lane 2020 an, akoz ensekirite nan peyi dAyiti, dapre Rezo nasyonal kap defann dwa moun yo (Rnddh), ki tap patisipe nan yon konferans kite fèt madi 29 desanm 2020 an.
Alatèt Rnddh lan, Pierre Espérance fè konnen genyen 185 moun ki mouri nan divès masak ki fèt nan katye popilè yo. Li presize chif sa a pa pran an konsiderasyon masak Bèlè yo paske òganizasyon an poko fini konte tout viktim yo.
2020 se yon lane katastwòf sou plan dwa moun, dapre Rnddh ki ankouraje popilasyon an leve kanpe kont krim yo nan peyi a.
Pierre Espérance (...)

Sosyete : Maspinay dwa moun ak lavi chè pouse peyi d Ayiti fè plis bak, nan lane 2020 an

Ekri jou lendi 28 Desanm 2020

Pòtoprens, 28 desanm 2020 [AlterPresse] --- Pil ak pakèt zak maspinay dwa moun yo, boulvès politik yo ak lavi chè, se kèk nan sitiyasyon, ki pouse peyi d Ayiti fè plis bak, pandan lane 2020 an, dapre enfòmasyon AlterPresse/AlterRadio ranmase.
Pandan lane 2020 an, lavi chè fè mikalaw nan peyi d Ayiti. Ekonomi an bese ba nèt alkole. Gouvènman an pa bay rezilta ditou. Se dizon ekonomis Camille Chalmers, ki t ap pale ak AlterPresse/AlterRadio.
Pandan lane 2020 an, peyi an genyen yon lavi chè ki vin pi malouk, ki depase nivo 23 pousan.
Chalmers fè konnen sitiyasyon sa yo vin fè nou fini ane a, nan yon (...)

Ayiti-Ensekirite : Lapolis nasyonal fè konnen li arete 15 moun epi sezi 4 machin, dimanch 27 desanm 2020 an, nan baz gang 400 mawozo, nan Kwadèboukè

Ekri jou lendi 28 Desanm 2020

Pòtoprens, 28 desanm 2020 [AlterPresse] --- 15 moun yo arete, plis yo sezi 4 machin yo te vòlò : se bilan operasyon Lapolis di li mennen, nan baz gang 400 mawozo, nan komin Kwadèboukè, byen bonè dimanch 27 desanm 2020 an, dapre sa potvwa Lapolis la, Gary Desrosiers, fè AlteerPresse/AlterRadio konnen.
Plizye inite espesyalis nan Lapolis lan te sou teren, nan objektif pou yo te rive kraze gang 400 mawozo a, k ap simen latwoublay depi kèk tan, nan komin kwadèboukè an.
Premye minis Joseph Jouthe bat bravo pou sa l rele gwo operasyon, Lapolis la mennen nan baz gang 400 marozo a.
Joseph Jouthe deklare (...)

Ensekirite : Klima laterè bandi ak zam yo ap simaye an, se sousi popilasyon, nan peyi d Ayiti, finisman ane 2020 an

Ekri jou lendi 28 Desanm 2020

Pòtoprens, 28 desanm 2020 [AlterPresse] --- Klima laterè, bandi ak zam yo ap plede simaye san gade dèyè, sou teritwa nasyonal la, se sousi popilasyon, nan peyi d Ayiti, finisman ane 2020 an, dapre enfòmasyon AlterPresse/AlterRadio ranmase.
Lannuit samdi 26 desanm 2020 an, nan Okap, depatman Nò peyi d Ayiti, yon enspektè polis, Ferais Telfort, mouri anba plizyè bal bandi ak zam, yo poko idantifye.
Bandi ak zam yo atake ofisye polis lan nan Titans, nan yon lokalite ki pote non Kafou Lacho. Viktim nan te resevwa plizyè katouch.
Pou lane 2020 an sèlman, gen plis pase 30 polisye, ki tonbe anba bal (...)

Ayiti-Ensekirite : Lapolis nasyonal arete 21 moun, nan kad operasyon nan vilaj dedye

Ekri jou mèkredi 23 Desanm 2020

Pòtoprens, 23 desanm 2020 [AlterPresse] --- Lapolis nasyonal deklare li gen nan men l 21 moun, li arete, nan kad operasyon li tanmen depi vandredi 4 desanm 2020 an, nan vilaj dedye, dapre enfòmasyon ajans AlterPresse ranmase.
Pami 21 moun sa yo, lapolis ap poze kesyon, genyen ki nan koneksyon ak chèf gang G9 an fanmi ak alye Jimmy Chérizier, yo plis konnen sou non Babekyou, dapre deklarasyon pòtvwa Lapolis lan, Garry Desrosiers, fè nan yon kozman ak laprès, madi 22 desanm 2020 an.
Ta gen bandi, ki konn kore chèf gang Izo 5 segonn, lapolis lan arete tou, toujou nan menm operasyon sa yo.
Dapre (...)

0 | ... | 20 | 25 | 30 | 35 | 40 | 45 | 50 | 55 | 60 | ... | 395