Haiti
Atik

Enfòmasyon ak analiz

Ensekirite : Ministè lajistis di l gen gwo tèt chaje, douvan zak kidnaping yo k ap ogmante nan peyi d Ayiti

Ekri jou lendi 8 mas 2021

Pòtoprens, 08 mas 2021 [AlterPresse] --- Minis jistis ak sekirite piblik defakto an, mèt Rockfeller Vincent, fè konnen ogmantasyon zak kidnaping yo nan peyi an, pandan dènye tan sa yo, ba li gwo tèt chaje, nan yon kozman ak laprès lendi 8 mas 2021 an.
Alòske klima laterè an ak zak kidnaping toujou ap bay kè sote, san okenn dispozisyon pou kwape yo, gouvènman de fakto a, pa lentèmedy ministè lajistis li an, kontinye fè pwomès, ta gen jefò ki fèt kont krim san parèy, ki blayi san gade dèyè sou peyi d Ayiti.
Samdi 6 mas 2021 an, bandi ak zam, lapolis poko idantifye, kidnape enjenyè Maxon Fleury, nan Mariani, (...)

Imigrasyon : Luis Abinader anonse li pral konstwi, apati mitan lane 2021 an, yon mi, sou liy fontyè ant Ayiti ak Repiblik Dominiken an

Ekri jou lendi 1e mas 2021

Pòtoprens, premye mas 2021 [AlterPresse] --- Nan okazyon 27 fevriye 2021, 177 lane, depi Repiblik Dominikèn te pran lendepandans li sou peyi d Ayiti (se te 27 fevriye 1844), prezidan Repiblik Dominikèn nan, Luis Abinader, anonse li pral konstwi, apati mitan lane 2021 an, yon mi, sou apeprè 400 kilomèt fontyè, ant Ayiti ak Repiblik Dominiken an, dapre enfòmasyon ki vin jwenn ajans sou Entènèt AlterPresse.
Abinader di yo pral mete aparèy ak kamera espeyal, ki pou wè tout mouvman, sou fontyè ant 2 peyi yo.
Li fè konnen tou yo pral idantifye natif natal Ayiti yo, sou teritwa dominiken an.
Otorite (...)

Ayiti-Ensekirite: Bandi ak zam touye, dimanch 28 fevriye 2021 an, doktè Ernst Paddy

Ekri jou lendi 1e mas 2021

Pòtoprens, premye mas 2021 [AlterPresse] --- Bandi ak zam touye anba bal, dimanch maten 28 fevriye 2021 an, doktè Ernst Paddy, ki gen 63 lane sou tèt li, pandan yo t ap eseye kidnape l, nan zòn chemen dèdal, avni Kristòf, Pòtoprens, tou prè klinik li a, dapre enfòmaasyon ki vin jwenn ajans sou Entènèt AlterPresse.
Zak sa a rive, nan moman kote doktè an te nan machin li, ap tann louvri baryè klinik li an, pou al chèche materyèl pou pote swen bay yon moun ki te blese.
Doktè Ernst Paddy se yon doktè ki konn bay timoun laswenyay. Sa pa gen lontan, li te soufri anba yon pwoblèm sikilasyon san nan sèvo l, yon (...)

Ayiti-Ensekirite : Plizyè moun mouri ak blese, jedi 25 fevriye 2021 an, nan prizon sivil Kwadèboukè a, nan yon gwo mouvman kote prizonye sove

Ekri jou jedi 25 fevriye 2021

Pòtoprens, 25 fevriye 2021 [AlterPresse] --- Plizyè moun mouri ak blese, jedi 25 fevriye 2021 an, nan yon gwo mouvman ki eklate nan prizon sivil kwadèboukè a (nòdès kapital la), kote yon valè prizonye sove, dapre enfòmasyon AlterPresse rasanble.
Plizyè inite nan lapolis la te rann yo sou plas, nan lide pou kalma sitiyasyon an.
Yo tire anpil kout zam, andedan kou deyò prizon an, epi yo te bay anpil gaz lakrimojèn, yon fason pou anpeche prizonye yo sove.
Sityasyon sa a te lakoz yon gwo panik nan komin nan. Sa ki te fè tou gwo blokis machin, nan zòn ki toupre Kwadèboukè, depi sou wout aryopò (...)

Ayiti-Politik : Plizyè moun manifeste, jedi 18 fevriye 2021 an, nan Kafou, pou mande lage 4 polisye, gouvènman defakto an te arete ansanm ak jij Lakou Kasasyon Yvickel Dabrezil

Ekri jou jedi 18 fevriye 2021

Pòtoprens, 18 fevriye 2021 [AlterPresse] --- Plizyè sitwayèn ak sitwayen pran lari a, jedi 18 fevriye 2021 an, nan Kafou (sid kapital la) pou egzije liberasyon 4 polisye, gouvènman defakto an te arete, bò 2 zè edmi di maten, dimanch 7 fevriye 2021 an, ansanm ak jij Lakou Kasasyon Ivickel Dabrezil, kòmkwa yo te nan marinen yon swadizan koudeta kont Jovenel Moïse, dapre enfòmasyon ki vin jwenn AlterPresse.
Pami moun, ki t ap manifeste yo, te gen fanmi polisye yo, ki di li pa nòmal pou viktim sa yo ap kwoupi nan prizon san rezon.
Yo di yo pa konprann kouman fè jij Dabrezil, gouvènman defakto an te (...)

0 | 5 | 10 | 15 | 20 | 25 | 30 | 35 | 40 | ... | 395