Haiti
Atik

Enfòmasyon ak analiz

Ayiti : Yon gwo dife fè gwo dega nan Fakilte agwonomi ak metsin veterinè an

Ekri jou lendi 22 jen 2020

Pòtoprens 22 jen 2020 [AlterPresse] --- Lannuit samdi 20 rive dimanch 21 jen 2020 an, yon gwo dife pete nan Fakilte agwonomi ak metsin veterinè (Famv), nan nò kapital lan, daprè enfòmasyon ajans AltèPrès rive jwenn.
Pami dega yo, gen gwo domaj nan pati kote ki gen biwo pwofesè yo, nan biwo ki gen machin pou enprime dokiman, sa yo rele sèvis mimeyografi nan langaj teknik.
Gen domaj tou nan sèvis transpò, nan oditoryòm nan ak lòt espas teknik nan fakilte agwonomi ak metsin veterinè an.
Ponpye lakomin Taba yo, ki te la jis 9è dimanch maten 21 jen 2020 an, te rive anpeche dife a fè plis dega nan lokal (...)

Ayiti : Kowòdonatris Sendika Lapolis la, Yanick Joseph, remèt demisyon l nan Lapolis la

Ekri jou lendi 22 jen 2020

Pòtoprens 22 jen 2020 [AlterPresse] --- Aprè li te fin kite tèt sendika a pou yon ti tan, Kowòdonatris Sendika lapolis la, Yanick Joseph, kraze yon kite sa nan Lapolis la nèt, dapre sa ajans enfòmasyon sou entènèt AltèPrès aprann.
Yanick Joseph anonse desizyon sa a, nan yon lèt li voye bay direktè jeneral Lapolis la, Rameau Normil.
Move kondisyon polisye yo ap travay lan, maspinay dwa chak grenn polisye anndan enstitisyon an, pami divès rezon ki pouse Yanick Joseph pran desizyon sa a.
Ant batay li mennen, pou te vin genyen yon sendika anndan Lapolis la ak entèdiksyon pou l kite peyi a k ap peze sou (...)

Ayiti-Ensekirite : Prezidan komisyon lakomin Monwi an blese grav anba bal, samdi swa 20 jen 2020 an

Ekri jou lendi 22 jen 2020

Pòtoprens, 22 jen 2020 [AlterPresse] --- Blaise Elysee, prezidan komisyon lakomin Monwi an, blese grav anba bal, lannuit samdi 20 jen 2020 an, nan moman yon operasyon kont bandi Lapolis t ap fè, nan tèt kole ak lakomin Monwi an, dapre enfòmasyon AltèPrès rive jwenn.
Se nan moman, kote majistra a ta pral kanpe yon pwogram, ki t ap fèt lannuit samdi 20 jen 2020 an, endividi ak zam tire sou li.
Otorite nan zòn sa a mande Leta santral la aji nan zòn wout nasyonal nimewo 1 an, espesyalman nan Monwi, ki ka wè sitiyasyon an vin pi grav, si pa gen anyen ki fèt nan jou k ap vini yo. [rf emb rc apr (...)

Ayiti-Politik : Òganizasyon dwa moun yo rele chalbare dèyè dekrè sou kat idantifikasyon nasyonal la

Ekri jou jedi 18 jen 2020

Pòtoprens, 18 jen 2020 [AlterPresse] --- Òganizasyon dwa moun, tankou Defansè Plis ak Òganizasyon sitwayèn ak sitwayen pou yon lòt Ayiti (Ocnh), leve vwa yo kont dènyè dekrè sou kat idantifikasyon nasyonal la, gouvènman an pran nan peyi a, nan nòt separe yo voye bay ajans enfòmasyon sou entènèt AltèPrès.
Youn nan direktè Kolektif Defansè Plis lan, Antonal Mortimé, kritike Leta, k ap plede pran dekrè, san l pa konsilte ankenn sektè nan sosyete a.
Pou Antonal Mortimé, se yon gwo menas pou yon seri prensip demokrasi, tankou dwa enfòmasyon ak dwa patisipasyon.
Lide pou chak sitwayèn ak chak sitwayen gen yon sèl (...)

Ayiti-Ekonomi : Bank santral rale zorèy responsab mezon transfè yo

Ekri jou mèkredi 17 jen 2020

Pòtoprens, 17 jen 2020 [AlterPresse] --- Tout mezon transfè yo dwe bay benefisyè yo lajan yo nan fòm, nan monnen ak nan menm valè Bank repiblik Ayiti an (Bank santral) fikse pou chanje lajan an.
Desizyon sa a soti nan yon dekrè ki pase men nan kèk dispozisyon dekrè jiyè 1989 la, ki konsène mezon transfè yo, dapre sa jans enffòmasyon sou entènèt AltèPrès aprann.
Tout moun Bank santral ta jwenn, ki pase anba pye prensip sa a, ap gen yon amann pou l peye, ki ka ale jiska 3 pousan nan pwòp lajan, k ap soti dirèkteman sou kont mezon transfè a genyen nan Bank santral.
Nan dènye tan sa yo, gen mezon transfè (...)

0 | 5 | 10 | 15 | 20 | 25 | 30 | 35 | 40 | ... | 210