Haiti
Atik

Enfòmasyon ak analiz

Ayiti-Ensekirite : Mèt Eno René Louis, bandi ak zam te kidnape, depi samdi 27 mas 2021 an, lage vandredi 2 avril 2021 an,apre gwo kout lajan

Ekri jou lendi 5 avril 2021

Pòtoprens, 5 avril 2021 [AlterPresse] --- Se ak anpil satisfaksyon, melanje ak anpil desepsyon, Asosyasyon nasyonal majistra ayisyen yo (Anamah), di li resevwa nouvèl jij tribinal de pè Petyonvil la, mèt Eno René Louis, bandi ak zam lage, apre gwo kout lajan, vandredi 2 avril 2021 an, bò 1 è dimaten, dapre sa l deklare bay AlterPresse/AlterRadio.
Se samdi 27 mas 2021 an, bandi ak zam te dappiyanp mèt Eno René Louis, detan l te sou wout pou antre lakay li, nan zòn Kwadèboukè.
Nan mikwo AlterRadio/AlterPresse, prezidan Anamah an, Jij Jean Wilner Morin, manifeste desepsyon li, akoz se pa Lapolis ki (...)

Ayiti-Ensekirite : Pwopyetè ponb finèb, Kénol Félix, bandi ak zam te kidnape, depi 19 mas 2021 an, lage vandredi 2 avril 2021 an

Ekri jou lendi 5 avril 2021

Pòtoprens, 05 avril 2021 [AlterPresse] --- Pwopyetè ponp finèb Sent Woz Lima, Kénol Félix, bandi ak zam te kidnape, depi vandredi 19 mas 2021 an, nan sant vil Pòtoprens lan, lage vandredi 2 avril 2021 an, sou 15 jou depi l te nan men baandi ak zam yo, dapre enfòmasyon ajans sou entènèt AlterPresse jwenn.
Menm moman an, yo te blije kouri ale lopital ak Kénol Félix, akoz eta sante l.
Bandi ak zam sa yo te kenbe Kénol Félix pandan 15 jou, malgre gwo kout fòs lajan fanmi viktim nan te ba yo.
Sitiyasyon sa aq te lakoz plizyè pwopyetè mòg, nan Pòtoprens, te òganize plizyè mouvman pwotestasyon, nan kapital (...)

Ayiti-Ensekirite : 3 moun mouri ak 2 lòt blese, lannuit 2 pou antre 3 avril 2021 an, nan yon lese frape ant 2 bann rara, nan komin Anse-d’Hainault

Ekri jou lendi 5 avril 2021

Anse-d’Hainault (depatman Grandans, Ayiti), 05 avril 2021 [AlterPresse] --- Lannuit vandredi 2 pou antre samdi 3 avril 2021 an, 3 moun mouri ak 2 lòt blese, nan yon lese frape ant 2 bann rara, nan komin Anse-d’Hainault, depatman Grandans, dapre enfòmasyon AlterPresse rasanble.
Pami 3 moun, ki mouri yo, gen 2 se anba bal, alòske twazyèm nan mouri anba kout manchèt, dapre sa Ajan egzekitif enterimè nan komin sa a, Martiano Richard, fè AlterPresse/AlterRadio konnen.
2 lòt moun, ki te blese yo, te gen tan rantre lakay yo. [jep emb rc apr 05/04/2021 (...)

Anviwonman : Posiblite ti aktivite lapli sou 6 nan 10 depatman peyi d Ayiti yo, jis rive samdi 3 avril 2021 an

Ekri jou jedi 1e avril 2021

Pòtoprens, premye avril 2021 [AlterPresse] ---Gwo kout van, sou peyi Karayib yo, jedi premye avril 2021 an, p ap lakoz boulvès nan tan an, nan premye wikenn mwa avril 2021 an, dapre dènye bilten espesyalis ayisyen nan kondisyon tan an, ki vin jwenn ajans sou entènèt AlterPresse.
An jeneral, toujou gen gwo kout van, nan peryòd pou rive Pak, sou peyi d Ayiti. Sa ki konn pèmèt anpil timoun ak granmoun pran plezi monte kap ak grandou, anpil kote, nan peyi a.
Men, jis rive samdi 3 avril 2021 an, imidite ak chalè jounen an pral bay ti aktivite lapli, nan finisman apremidi ak aswè, sou depatman Plato (...)

Ayiti-Politik : 15 moun sou 17, ekip defakto an te akize nan swadizan koudeta 7 fevriye 2021 li an, lage 26 mas 2021, sou 48 jou prizon, apre desisyon Lakou dapèl Pòtoprens lan

Ekri jou lendi 29 mas 2021

Pòtoprens, 29 mas 2021 [AlterPresse]--- 12 gason ak 3 fanm sou 17 moun, ekip defakto an te akize nan swadizan koudeta 7 fevriye 2021 li an, lage, apremidi vandredi 26 mas 2021 an, apre 48 jou fèmen nan prizon, san rezon, dapre enfòmasyon AlterPresse rasanble.
Moun sa yo jwenn liberasyon yo, 2 jou apre òdonans 24 mas 2021 Lakou dapèl Pòtoprens lan, ki konsidere desizyon arestasyon yo ak fèmen yo nan prizon te pran dèyè do Konstitisyon an ak Lalwa.
Roosevelt Cinéus, 33 lane, ki se kouzen jij lakou kasasyon Yvickel Dabrézil, poko lage, poutèt non l pa t sou lis demann, ki te ale douvan lakou dapèl (...)

0 | 5 | 10 | 15 | 20 | 25 | 30 | 35 | 40 | ... | 395