Haiti
Atik

Enfòmasyon ak analiz

Ayiti-Ensekirite : Bandi ak zam touye Betty Laurent, apre yon transaksyon li te sot fè Labank

Ekri jou mèkredi 28 out 2019

Pòtoprens, 29 dawout 2019 [AlterPresse] --- Bandi ak zam, yo pa idantifye, ansasinen, mèkredi 28 dawout 2019 la, nan Delmas 57, Betty Laurent, apre li te sot fè yon transaksyon nan yon bank sou Delma.
Mari dam lan, Paul Marie Calixte, ki te gen avek li pitit gason yo, ki gen 5 lane, fè konnen se yon kob yo t al chache nan bank lan,pou peye lwaye kay yo.
Men, Paul Marie Calixte, ki se yon jij depè nan Tigwav, deklare li pa t prè viktim nan, nan moman atak la. [db emb rc apr 28/08/2019 (...)

Ayiti/PetwoKaribe : 2 ansyen premye minis ak 3 ansyen minis jwenn envitasyon pou parèt devan jij enstriksyon Ramonsite Accimé nan jou k ap vini la yo

Ekri jou mardi 16 juillet 2019

Pòtoprens, 16 jiyè 2019 [AlterPresse] --- Jij enstriksyon Ramoncite Accimé voye envitasyon bay ansyen premye minis Jean Max Bellerive, sou prezidan René Préval, ak ansyen premye minis Laurent Salvador Lamothe, sou prezidan Michel Joseph Martelly, dapre enfòmasyon ajans sou entènèt AlterPresse jwenn.
Jean Max Bellerive, ki te premye minis peyi d Ayiti soti 11 novanm 2009 rive 18 oktòb 2011, dwe parèt, devan jij enstriksyon an, vandredi 19 jiyè 2019, k ap vini la a, alòske jij la ap tann Laurent Lamothe nan dat jedi 25 jiyè 2019.
Bellerive te minis planifikasyon ak kowoperasyon, soti 9 jen 2006 pou (...)

Ayiti : Senkyèm jou latwoublay, nan dat 14 jen 2019, nan Pòtoprens

Ekri jou vendredi 14 juin 2019

Yon papye Ronald Colbert
Pòtoprens, 14 jen 2019 [AlterPresse] --- Vandredi 14 jen 2019 sa a, se senkyèm jou latwoublay nan Pòtoprens, kapital peyi d Ayiti, dapre enfòmasyon ajans sou entènèt AltèPrès ranmase.
Divès aktivite p ap mache depi lendi 10 jen 2019 lan.
Soukous sa a nan Pòtoprens antre nan leve kanpe, ki rekoumanse depi dimanch 9 jen 2019 la, lè plizyè milye moun te desann nan lari, divès kote nan peyi a, pou di yo pa vle wè Jovnèl Moyiz nan tèt peyi d Ayiti ankò.
Gwo manifestasyon 9 jen 2019 lan, se inisyativ gwoup moun, yo rele petwochalennjè yo, sila ki andedan gwoup nou p ap dòmi, ki vle (...)

Ayiti : Obsèvatwa ayisyen dwa moun lonje dwèt sou konplisite otorite yo nan zak bandi sou popilasyon an

Ekri jou lendi 29 avril 2019

Pὸtoprens, 29 avril 2019 [AlterPresse]--- Obsèvatwa ayisyen dwa moun di li leve lavwa, pou jan l wè otorite politik ak polisye yo on ti jan manfouben epi parèt konplis, nan pakèt zak bandi k ap simen laterè toupatou sou teritwa peyi d Ayiti an.
Otorite sa yo pa fè anyen pou kwape bandi, k ap simen latwoublay nan mitan popilasyon an depi plizyè semenn.
Bandi sa yo sanble jwenn sipò kèk palmantè, gwo tèt nan Lapolis nasyonal lan ak manm gouvènman an, daprè sa Obsèvatwa ayisyen dwa moun di nan yon nòt li fè ajans AlterPresse jwenn.
Obsèvatwa ayisyen dwa moun voye solidarite l bay plizyè moun, ki viktim (...)

Ekonomi : Toujou gen ratman gaz nan peyi d Ayiti, malgre pwomès otorite yo

Ekri jou lundi 8 avril 2019

Pὸtoprens, 08 avril 2019 [AlterPresse]--- Toujou gen ratman gaz nan peyi d Ayiti, sitou nan zὸn metropolitèn Pὸtoprens lan, malgre divès pwomès Biwo monetizasyon pwogram èd pou devlὸpman (Bmpad) fè bay popilasyon an, daprè konsta AlterPresse fè.
Bmpad, ki anchaje fè kὸmann gaz pou Ayiti, te anonse, depi madi 2 avril 2019 lan, gaz lan ap disponib.
Poutan, depi plizyè jou, gen anpil moun, tankou chofè moto, chofè kamyonèt ak lὸt machin, k ap tann gaz, pandan plizyè èd tan, nan divès ponp nan zὸn metropolitèn kapital lan.
Jou dimanch 7 avril 2019 la, gen yon bato-sitèn, ak yon chajman 255 mil barik pwodwi (...)

0 | 5 | 10 | 15 | 20 | 25 | 30 | 35 | 40 | ... | 135