Haiti

Kowonaviris : Asosyasyon pwoprietè ak chofè Ayiti yo pran dispozisyon pou diminye kantite pasaje nan machin yo

Ekri jou madi 24 mas 2020

Pòtoprens, 24 mas 2020 [AlterPresse] --- Asosyasyon pwoprietè ak chofè Ayiti yo fè konnen li koumanse pran dispozisyon pou fè chofè yo pran mwens moun pase kantite yo te konn pote nan machin yo.
Machin ki te konn pote 18 moun ap pote kounye a 14 moun. Sa k te konn pote 65 moun, ap pran sèlman 45 moun jodi a, daprè kowòdonatè Asosyasyon pwoprietè ak chofè Ayiti yo, Mehu Changeux, ki t ap reponn kesyon jounalis AlterPresse ak AlterRadio.
Dispozisyon sa yo, se yon fason pou pote kole nan batay pou anpeche epidemi nouvo kowonaviris lan gaye sou teritwa nasyonal, peyi d Ayiti an.
Asosyasyon pwoprietè (...)

Ayiti-Edikasyon : Pwofesè nan Inivèsite Leta leve kanpe kont « zak maspinay lapolis fè » nan Lekòl Nòmal Siperyè

Ekri jou lundi 16 mars 2020

Petisyon 135 pwofesè
Dokiman sa a vin jwenn AlterPresse 15 mas 2020
Nou menm pwofesè nan Inivèsite Leta Ayiti ki siyen nòt sa a, aprann avèk anpil kè kase nouvèl zak maspinay polisye ki nan USGPN « Unité de sécurité générale du Palais national » fè sou etidyan, manm pèsonèl administrasyon an ak pwofesè Lekòl Nòmal Siperyè (‘ENS’) nan apremidi 13 mas 2020 an.
Se pa premye fwa ENS ap sibi zak vyolans anba men polisye USGPN, men fwa sa a li pi terib. Polisye sa yo pa sèlman domaje machin epi tire andedan sal laboratwa ENS la, men yo rive kase tèt yon pwofesè, frape etidyan ak yon manm pèsonèl administratif la. (...)

Epidemi Koronaviris lan : Jis rive finisman mwa mas 2020 an, peyi d Ayiti p ap resevwa avyon ki soti nan peyi Ewòp ak Amerik latin yo

Ekri jou dimanch 15 mas 2020

Pòtoprens, 15 mas 2020 [AltèPrès] --- Pou 2 semenn k ap vini yo, kidonk jis rive finisman mwa mas 2020 an, peyi d Ayiti p ap asepte resevwa okenn avyon, ki soti nan peyi Ewòp ak Amerik latin yo, akoz epidemi koronaviris lan, k ap gaye toupatou sou latè, dapre sa ajans sou entènèt AltèPrès aprann.
Se gouvènman premye minis Joseph Jouthe lan, ki monte 4 mas 2020 an yon fason depaman ak lalwa, ki fè konnen desizyon sa a, nan yon rankont ak laprès dimanch apremidi 15 mas 2020 an.
Men, avyon, ki soti nan peyi Etazini, ap kapab ateri nan peyi d Ayiti, sou baz yon antant avèk otorite ameriken yo. Fanm ak (...)

Kay Fanm : 8 mas, pou « raple fanm se moun »

Ekri jou lundi 9 mars 2020

Kominike òganizasyon feminis Kay Fanm
Dokiman sa a vin jwenn AlterPresse 8 mas 2019
8 mas, se yon jounen mobilizasyon pou dwa fanm.
8 mas, se lokazyon pou selebre batay fanm ap mennen, depi digdantan, pou fè rekonèt epi respekte dwa yo kòm moun.
8 mas, se lokazyon pou fè bilan batay pou dwa fanm ka respekte kòmsadwa.
8 mas, se youn nan moman pou reyafime angajman pou defann kòz fanm enpi fè batay sa a vanse.
Toutotan baryè diskriminasyon ap kenbe fanm ak tifi sou kote, nou bezwen selebre 8 mas pou raple fanm se moun. Fanm gen dwa. Fanm ak gason dwe gen menm dwa.
Nan okazyon 8 mas 2020, Kay (...)

Ayiti-Kriz : Yon rezo òganizasyon politik ak sosyal denonse posiblite yon tranzisyon « tèt chat »

Ekri jou sanmdi 2 novanm 2019

Pòtoprens, 02 novanm 2019 [AlterPresse] --- Mouvman patrotik demokratik popilè (Mpdp), yon rezo òganizasyon politik ak sosyal, denonse sa yo rele yon tranzisyon « tèt chat », ki ta ap prepare nan sitiyasyon michan kriz politik la, kote peyi a plonje jodi a, dapre yon kominike yo voye bay AlterPresse. Nòt Mpdp a apiye tout mobilizasyon, k ap fèt depi anviwon 8 semèn, pou mande prezidan Jovenel Moïse kite pouvwa a, pou kouri dèyè palman an epi refonde sosyete a.
Men, kominike rezo òganizasyon Mpdp yo denonse yon plan, ki ta genyen ant fòs entènasyonal ak yon ti klik ayisyen, pou enpoze yon tranzisyon (...)

0 | ... | 55 | 60 | 65 | 70 | 75 | 80 | 85 | 90 | 95 | ... | 655