Haiti

Ayiti : Guichard Doré, youn nan konseye prezidan Jovenel Moïse yo, kontinye defann pwojè Ajans nasyonal entèlijans la, malgre anpil sektè voye jete inisyativ sa a

Ekri jou jedi 10 Desanm 2020

Pòtoprens, 10 desanm 2020 [AlterPresse] --- Kontrèman ak lòt sektè ki kwè kreyasyon Ajans nasyonal entèlijans lan se yon mwayen pou prezidan repiblik lan mete baboukèt nan bouch popilasyon an, konseye chèf Leta a, Guichard Doré, fè konnen estriti sa a ta yon mwayen pou gouvènman, ki sou pouvwa a, ta rann enstitisyon yo pi djanm nan peyi d Ayiti, nan yon entèvyou li bay AlterRadio/AlterPresse.
Ajans nasyonal entelijans lan ta gen pou objektif kwape ensekirite an epi pèmèt popilasyon an ale nan aktivite l kòmsadwa.
Guichard Doré fè konnen tou Ajans lan genyen pou misyon, pami lòt yo, pwoteje dwa (...)

Ayiti-Krim : Mobilizasyon, jedi 10 desanm 2020, kont ensekirite, nan okazyon jounen entènasyonal dwa moun yo

Ekri jou madi 8 Desanm 2020

Pòtoprens, 8 desanm 2020 [AlterPresse] --- Jedi 10 desanm 2020 an, nan okazyon jounen entènasyonal dwa moun yo, òganis dwa moun yo anonse y ap desann nan lari, pou fè tande vwa yo kont maspinay dwa moun nan peyi a, dapre enfòmasyon ajans AlterPresse ranmase.
Nan okazyon an tou, gen òganizasyon Viv Ayiti, ki pral manifeste kont ensekirite Leta a, kont krim Leta ap fè yo, kont kidnaping ak kont koripsyon.
Nan yon kozman ak laprès, lendi 7 desanm 2020 an, Viv Ayiti denonse klima laterè san parèy, k ap layite sou teritwa nasyonal la, pandan otorite, nan konsèy siperyè lapolis nasyonal lan, lapolis ak (...)

Ayiti-Politik : Dekrè sou ajans entèlijans lan depaman ak Konstitisyon an, dapre Rezo nasyonal k ap defann dwa moun yo

Ekri jou lendi 7 Desanm 2020

Pòtoprens, 7 desanm 2020 [AlterPresse] --- Dekrè sou ajans entèlijans lan depaman ak Kontitisyon 1987 la, dapre Rezo nasyonal k ap defann dwa moun yo (Rnddh), nan yon entèvyou li bay AlterRadio/AlterPresse.
Dekrè Jovenel Moïse pran, sou sa l rele Ajans nasyonal entelijans lan ak sou kesyon pou sekirite a gen repondong nan peyi a, gen yon sèl objektif, ki se mete baboukèt nan bouch popilasyon an.
Jovenel Moïse deside mete tou 2 dekrè sa yo sou tèt Konstitisyon peyi an.
Anplis, ajan Ajans nasyonal entelijans lan pral gen posiblite mache, san anyen ki pou idantifye yo, antre lakay moun, fè sa yo pi (...)

Politik : Dekrè, sou ajans nasyonal entelijans lan, se yon fason pou tabli diktati nan peyi d Ayiti, dapre plizyè òganizasyon

Ekri jou lendi 7 Desanm 2020

Pòtoprens, 07 desanm 2020 [AlterPresse] --- Dekrè, sou ajans nasyonal entelijans lan (Ani), se yon fason pou tabli diktati nan peyi a. Se dizon plizyè òganizasyon politik ak sosyal, nan entèvyou yo bay AlterRadio/AlterPresse.
Yon dekrè konsa, se diktati li vin tabli nan peyi a, dapre rasanbleman sitwayèn ak sitwayen Kolektif 4 desanm 2013.
Pou kowodonatè kolektif 4 desanm 2013 lan, Jean Robert Argan, se yon fason pou otorite yo legalize represyon nan peyi a epi voye jete byen lwen revandikasyon popilasyon an.
Dekrè, sou ajans nasyonal entelijans lan, depaman ak Konstitisyon peyi a. Se yon dekrè (...)

Ayiti-Klima laterè : Se feblès lajistis ak lapolis, ki lakòz bandi yo ap simen dèy nan peyi d Ayiti, dapre Jurimédia

Ekri jou jedi 3 Desanm 2020

Pòtoprens, 03 desanm 2020 [AlterPresse] --- Se feblès lajistis ak lapolis, ki lakòz bandi yo ap simen dèy, vire tounen, nan peyi d Ayiti.
Se dizon òganizasyon k ap fè pwomosyon dwa moun ak gouvènans demokratik, « Jurimédia », nan yon entèvyou li bay AlterPresse/AlterRadio.
Li kritike enpinite an ak enstitisyon piblik yo, ki pa prezan nan katye popilè yo, pou anpeche zak bandi yo.
Jurimédia denonse kòkòday, ki genyen ant otorite Leta yo ak plizyè chèf gang, òganizasyon dwa moun yo idantifye kòm moun ki gen men yo tranpe nan divès masak, sou teritwa nasyonal lan.
Pwoblèm sa a ap toujou rete doubout nan (...)

0 | ... | 50 | 55 | 60 | 65 | 70 | 75 | 80 | 85 | 90 | ... | 860