Haiti

Ayiti-Sante : Kè sote divès kalte òganizasyon, sou jan gouvènman an ap jere kriz Kovid-19 lan

Ekri jou vendredi 29 mai 2020

Pòtoprens, 29 me 2020 [AlterPresse] --- Divès kalte òganizasyon ak enstitisyon di yo gen gwo kè sote sou jan gouvènman an ap jere kriz sante, ki arevwa ak epidemi Kovid-19 la, nan peyi d Ayiti, dapre dizon ajans enfòmasyon sou entènèt AltèPrès ranmase.
Gen 5 ouvriyèz ak ouvriye nan izin Karakòl yo (nan Nòdès peyi an), yo jwenn ki trape mikwòb kowonaviris lan.
Malgre sitiyasyon sa a, izin Karakòl yo kontinye ap fonksyone nan menm kondisyon yo.
Pa gen ankenn distans ant ouvriyèz ak ouvriye yo, dapre sendikalis Télémaque Pierre, ki te pale ak AltèRadyo avèk AltèPrès.
Li posib pou ta gen plis ka (...)

Ayiti/Kovid-19 : Plizyè sitwayèn ak sitwayen mete kanpe yon estrikti, pou siveye depans Leta ap fè yo

Ekri jou mèkredi 27 me 2020

Pòtoprens, 27 me 2020 [AlterPresse] --- Plizyè moun nan sosyete sivil ayisyèn nan, pami yo ansyen senatè Steven Benoit ak ekonomis Emmanuela Douyon, mete sou pye yon estrikti, nan objektif pou ankouraje yon bonjan kontwòl sou depans Leta a ap fè, nan kontèks Kovid-19 lan (epidemi kowonaviris lan).
se nan dat 21 me 2020 an, yo lanse inisyativ sa a.
Yo vle siveye depans piblik yo, detan y ap pote kole, pou rive jwenn bon jan rezilta, nan sèvis enstitisyon ayisyèn yo dwe bay popilasyon an, nan kad batay pou kwape mikw òb Kovid-19 lan.
Estrikti sa a vle tou fè sanssiblizasyon bò kote popilasyon an, (...)

Politik : Pa gen okenn kondisyon, ki reyini, pou eleksyon serye ta fèt nan lane 2020, nan peyi d Ayiti, dapre Fowòm patriyotik Papay

Ekri jou mèkredi 27 me 2020

Pòtoprens, 27 me 2020 [AlterPresse] --- Pa gen okenn kondisyon, ki reyini pou eleksyon serye ta fèt nan lane 2020, nan peyi d Ayiti.
Se dizon Fowòm patriyotik Papay, nan yon nòt pozisyon, ki pote dat 26 me 2020 an, yo voye bay ajans enfòmasyon sou entènèt AltèPrès.
Evènman politik yo ak kriz lasante, peyi d Ayiti ap viv lan kòmanse mete prezidan Jovnèl Moyiz nan kouri.
Jou ap bare l.
Se sa k fè, nan okazyon 18 me 2020 an, li te lanse yon kri dezespwa, alòske, nan moman an, pa gen okenn kondisyon, ki reyini, pou òganize bon jan eleksyon nan lane 2020 an, dapre Fowòm patriyotik Papay.
Nan nivo teknik (...)

Ayiti-Politik : Chirepit konsènan ki lè manda prezidan Jovenel Moise lan ap bout

Ekri jou mèkredi 27 me 2020

Pòtoprens, 27 me 2020 [AlterPresse] --- Plizyè òganizasyon politik ak dwa moun fè konnen manda prezidan Jovenel Moise la ap bout 7 fevriye 2021, alòske misye di l ap kite pouvwa 7 fevriye 2022.
Pa gen ankenn dout sou sa. Manda Jovenel Moise la ap bout 7 fevriye 2021, daprè sa direktè egzekitif Sant analiz ak rechèch sou dwa moun, Mèt Gedeon Jean, fè konnen, nan yon rapò ki rive jwenn ajans enfòmasyon sou entènèt AltèPrès.
Detan peyi d Ayiti anba gwo menas kowonaviris lan, Jovnèl Moyiz sou wout pou l anvlimen kriz politik la, nan peyi a, lè l deklare se nan lane 2022 manda l ap bout, dapre analiz òganis (...)

Ayiti-Foutbòl : Fifa sispann pou yon ti tan prezidan Federasyon ayisyèn foutbòl la, Yves Jean-Bart, ki gen akizasyon kadejak sou timoun sou do l

Ekri jou madi 26 me 2020

Pòtoprens, 25 me 2020 [AlterPresse] --- Chanm envestigasyon komisyon etik Federasyon entènasyonal asosyasyon foutbòl yo (Fifa) sispann, pou yon ti tan, Yves Jean-Bart, prezidan Federasyon ayisyèn foutbòl la, nan sa ki gen pou wè ak tout aktivite ki konsène foutbòl nan nivo nasyonal ak entènasyonal, pou 90 jou.
Fifa pran sanksyon sa a sou baz atik 84, 85 kòd etik òganizasyon mondyal la.
Sanksyon sa a antre nan kad ankèt y ap mennen sou Jean-Bart, ki gen akizasyon vyòl sou timoun ki poko gen 18 lane, apre yon atik jounal anglè "The Guardian " te soti nan dat 30 avril 2020.
Dapre chanm envestigasyon (...)

0 | ... | 45 | 50 | 55 | 60 | 65 | 70 | 75 | 80 | 85 | ... | 690