Haiti

Kanaval anndan Ayiti

Ekri jou dimanch 20 fevriye 2005

Tèks Michel-Ange Hyppolite
AlterPresse resevwa dokiman sa a 19 fevriye 2004
Kanaval anndan Ayiti se fèt pou je nou dekouvri atizay-bèbèl, se fèt nan lespri nou, fèt pou kò nou plezire. Kanaval se liberasyon lapawòl, motè pou kreye mo nèf, okazyon pou nou renouvle konesans nou ak listwa. Kanaval anndan Ayiti se youn moman kote tout kouch sosyal yo fonn younn nan lòt epi fi kou gason, jèn kou vye lage kò yo ak mas osnon san mas nan plezi san limit pandan 3 jou. Dekouvri Atizay Bèbèl Nan epòk mwen ta pe grandi kanaval se te youn fèt ki te gani ak tout kalite koulè. Te gen nwa e wouj, si mwen pa (...)

Zòn Franch : Pou fè respekte akò ant KODEVI ak SOKOWA

Ekri jou sanmdi 12 fevriye 2005

Tèks Batay Ouvriye
Dokiman sa a vin jwenn AlterPresse 12 fevriye 2004
N ap salye tout manm laprès ki la avè nou jodi a pou nou bay dènye done sou dènye devlopman sou dosye zòn franch CODEVI nan Wanament. N ap remèsye nou tou pou enterè nou toujou pote pou dosye sila a ki te rive kenbe aktyalite a pandan tout ane ki sot pase a. N ap mande nou kontinye kenbe menm enterè a paske batay la ap kontinye mennen toujou. Gen divès lòt aks lit ouvriye yo genyen nan ponyèt yo pou fè bese esplwatasyon y ap fè fas a li menm anndan zòn franch la.
Kontrèman a sa nou tande, asavwa konfli yo rezoud ant ouvriye, (...)

Komès kafe ilegal sou fontyè Ayiti ak Sen Domeng

Ekri jou madi 25 janvye 2005

Nòt Pou Laprès Kòdinasyon Kanpay Nasyonal Sansibilizasyon Pou Kafe Ayisyen, ki gen ladann 11 òganizasyon ak enstitisyon nasyonal ak entènasyonal
Dokiman sa a vin jwenn AlterPresse 25 janvier 2005
Kòdinasyon Kanpay Nasyonal Sansibilizasyon Pou Kafe Ayisyen leve vwa li pou atire atansyon responsab nan Leta a ak lopinyon piblik la anjeneral sou yon sitiyasyon anòmal k ap devlope nan tout zòn kote ki gen Kafe nan peyi a sitou nan zòn ki pi pre fontyè yo.
Apre demantibilay filyè kafe a nan kòmansman ane 90 yo, gen yon jefò ki te kòmanse fèt nan fen lane 90 yo pou te remonte filyè a. Plantè yo ki te (...)

Youn kesyon ak repons pou sila yo ki ap fouye zo nan lanng kreyòl la

Ekri jou madi 11 janvye 2005

Atik Michel-Ange Hyppolite
Dokiman sa a vin jwenn AlterPresse nan finisman ane 2004
Eske nou konnen ki kantite peyi ki pale menm kalite kreyòl ak sa ki pale Ayiti a?
Kesyon sa a parèt senp. Poutan li gen anpil vire tounen ladan. Alaverite, se Ayiti sèlman ki pale kalite kreyòl nou an. Nan rankont mwen ak mounn Matinik, Gwadloup, Sentlisi epi Ladominik, mwen remake kreyòl yo pale a gen anpil resanblans ak kreyòl pa nou an. Sepandan, nan ka Matininik ak Gwadloup, de zile ki pale lanng franse menm jan ak Ayiti, si mounn ki ap adrese nou lapawòl la pale youn kreyòl ki genyen anpil mo franse (...)

Ayisyen, Bòn Fèt Lendepandans

Ekri jou sanmdi 1e janvye 2005

Inisyiativ Dahoud André
AlterPresse resevwa dokiman an premye janvye 2005
Ayisyen,
Lakwa k devan pòt nou jounen Premye Janvye 2005 sa a pa ka briding moun ki konn verite
Jodi a se jounen pou tout Ayisyen fete
Ayibobo pou zansèt nou yo ki te fè nou yon kokenn kado vlengbendeng pa ka vòlè
Ayibobo pou zansèt nou yo ki te montre nou chimen verite
Zago loray ak ras Konze mèt jwe TOUT jwèt yo pa fouti kaka nan ogatwa Papa nou
Verite ayè se verite jodi
Chimen ayè se chimen jodi
Ayibobo pou TOUT Ayisyen k aksepte eritaj Papa nou
Dahoud Andre _______________________________________________ Mèsi, (...)

0 | ... | 565 | 570 | 575 | 580 | 585 | 590 | 595 | 600 | 605 | ... | 690