Haiti

Ayiti : Ansyen minis ekonomi ak finans, Yves Romain Bastien, mouri samdi 19 septanm 2020 an, nan peyi Lafrans

Ekri jou lendi 21 septanm 2020

Pòtoprens, 21 septanm 2020 [AlterPresse] --- Ansyen minis ekonomi ak finans, peyi d Ayiti an, soti 23 mas 2016 rive 13 mas 2017, Yves Romain Bastien, mouri nan dat samdi 19 septanm 2020 an, nan peyi Lafrans, daprè enfòmasyon AlterPresse rasanble.
Yves Romain Bastien te fè kansè kolon, daprè enfòmasyon yo.
Li se ansyen minis ekonomi ak finans, nan administrasyon Jocelerme Privert ak Enex Jean Charles lan.
Yo te akize Yves Romain Bastien, kòm moun ki ta pran plis pase 30 milyon dola ameriken, nan lajan pwogram PetwoKaribe a, san li pa t reyalize anyen, moun te ka wè, nan peyi a. [rf emb rc apr (...)

Ayiti-Zak Laterè : Pou pi piti 2 moun mouri anba bal, plizyè lòt blese ak anpil kay boule, samdi 19 septanm 2020, nan yon lòt atak gang ak zam sou Bèlè

Ekri jou lendi 21 septanm 2020

Pòtoprens, 21 septanm 2020 [AlterPresse] --- Pou pi piti 2 moun mouri anba bal plizyè lòt blese anba bal, anpil kay pase nan flanm dife gang ak zam, nan yon lòt atak ak zam ankò, nan katye Bèlè, Pòtoprens, samdi apremidi 19 septanm 2020 an, dapre enfòmasyon ajans sou entènèt AlterPresse rasanble.
Gang ak zam simen kout zam ak dife ankò nan katye Bèlè, samdi apremidi 19 septanm 2020 an.
Anpil fanmi, nan katye Bèlè, ki pa twò lwen Channmas, kote nou jwenn Palè nasyonal, pèdi divès zafè yo, nan lòt atak sa a.
Gen nan fanmi sa yo, ki te gen ti biznis, ki wè tout sa yo te achte pou vann yo boule.
Yon latriye (...)

Ayiti-Politik : Nouvo Kep Jovenel Moïse la ap mete peyi a nan plis tyouboum, daprè plizyè òganizasyon politik

Ekri jou lendi 21 septanm 2020

Pòtoprens, 21 septanm 2020 [AlterPresse] --- Nouvo Konsèy elektoral pwovizwa a (Kep), prezidan Jovenel Moïse mete kanpe a, pral mete peyi a nan plis tyouboum, daprè plizyè òganizasyon politik.
Desizyon Jovenel Moïse pran, pou li nonmen nouvo Kep a, p ap pèmèt peyi a sòti nan kriz lap viv depi kèk tan an.
Men pito l ap angrave konfli yo epi mete peyi a nan plis tyouboum. Se dizon Pati Rasin Kan pèp la, nan yon entèvyou li bay AlterRadio/AlterPresse.
Desizyon sa a mache nan liy pwojè lanmò Pati ayisyen tèt kale (Phtk) genyen an ak pwojè pou li kenbe pouvwa pou kò l, daprè pòt pawòl pati sa a, Camille (...)

Politik : Santral nasyonal ouvriyèz ak ouvriye ayisyen mande peyi Etazini sispann foure bouch li nan zafè peyi d Ayiti

Ekri jou vandredi 18 septanm 2020

Pòtoprens, 18 septanm 2020 [AlterPresse]--- Santral nasyonal ouvriyèz ak ouvriye ayisyen yo (Cnoha) mande peyi Etazini, pa foure bouch li nan zafè eleksyon pèp ayisyen an, nan yon nòt ki rive jwenn AlterPresse.
« Eleksyon, se yon zak granmoun, dwa grandèt majè pyi an. Se zafè pèp Ayisyen an ».
Santral nasyonal ouvriyèz ak ouvriye ayisyen yo di, li voye jete byen lwen « tout deklarasyon kolon enperyalis yo, eman dspesyalman deklarasyon ti kolon, nan anbasad yankee Usa yo, ap fè sou zafè eleksyon nan peyi d Ayiti ».
Mas pèp la, se yo ki plis viktim anba men enperyalis yo ak kapitalis la.
Santral (...)

Ayiti-Ansasinay mèt Monferrier Dorval : Fanmi an montre l fache, dèske avoka Pòtoprens yo pa janm leve lavwa kont move konpòtman komisè gouvènman Pòtoprens lan

Ekri jou jedi 17 septanm 2020

Pòtoprens, 17 septanm 2020 [AlterPresse] --- Rezo nasyonal k ap defann dwa moun fè konnen fanmi mèt Monferrier Dorval lan te twouve l nan yon sitiyasyon difisil, dèske yo te wè konsèy lòd avoka Pòtoprens yo pa janm leve lavwa kont konpòtman komisè gouvènman Pòtoprens lan, ki pa montre l ap byen jere dosye ansasinay lan.
Bawo avoka Pòtoprens yo te lonje dwèt sou deklarasyon premye minis lan, Joseph Jouthe, ak Ofis pwoteksyon sitwayèn ak sitwayen te fè, sou arestasyon 5 ajan Idmo yo, daprè sa fanmi an di Rezo nasyonal k ap defann dwa moun yo.
Depi aprè lanmò Mèt Monferrier Dorval lan, otorite nan pouvwa (...)

0 | ... | 35 | 40 | 45 | 50 | 55 | 60 | 65 | 70 | 75 | ... | 745