Haiti

Youn kesyon ak repons pou sila yo ki ap fouye zo nan lanng kreyòl la

Ekri jou madi 11 janvye 2005

Atik Michel-Ange Hyppolite
Dokiman sa a vin jwenn AlterPresse nan finisman ane 2004
Eske nou konnen ki kantite peyi ki pale menm kalite kreyòl ak sa ki pale Ayiti a?
Kesyon sa a parèt senp. Poutan li gen anpil vire tounen ladan. Alaverite, se Ayiti sèlman ki pale kalite kreyòl nou an. Nan rankont mwen ak mounn Matinik, Gwadloup, Sentlisi epi Ladominik, mwen remake kreyòl yo pale a gen anpil resanblans ak kreyòl pa nou an. Sepandan, nan ka Matininik ak Gwadloup, de zile ki pale lanng franse menm jan ak Ayiti, si mounn ki ap adrese nou lapawòl la pale youn kreyòl ki genyen anpil mo franse (...)

Ayisyen, Bòn Fèt Lendepandans

Ekri jou sanmdi 1e janvye 2005

Inisyiativ Dahoud André
AlterPresse resevwa dokiman an premye janvye 2005
Ayisyen,
Lakwa k devan pòt nou jounen Premye Janvye 2005 sa a pa ka briding moun ki konn verite
Jodi a se jounen pou tout Ayisyen fete
Ayibobo pou zansèt nou yo ki te fè nou yon kokenn kado vlengbendeng pa ka vòlè
Ayibobo pou zansèt nou yo ki te montre nou chimen verite
Zago loray ak ras Konze mèt jwe TOUT jwèt yo pa fouti kaka nan ogatwa Papa nou
Verite ayè se verite jodi
Chimen ayè se chimen jodi
Ayibobo pou TOUT Ayisyen k aksepte eritaj Papa nou
Dahoud Andre _______________________________________________ Mèsi, (...)

Miyami : Konsekans kriz la sou Nwèl Ayisyen yo nan dyapora a

Ekri jou lendi 27 Desanm 2004

Miyami, 27 des. 04 [AlterPresse] --- Kriz ki ap ravaje peyi Dayiti depi kèk tan gen gwo konsekans sou Nwèl Ayisyen yo ki ap viv nan Floride. Anpil moun te espere pou nwèl ane sa sitiyasyon an te ka miyò parapòta lane pase. Anpil Ayisyen ki ape viv deyò te swete pase fèt fen lane sa nan peyi a ansanm avèk fanmi yo. Yo te menm swete klotire selebrasyon 200 zan lendepandans peyi a. Men sitiyasyon an pa pèmèt yo fè sa. Ensekirite a moute tèlman wo, pifò moun ranvwaye pwojè vwayaj yo te konte fè an Ayiti, dapre sa AlterPresse konstate nan Miyami.
Se chak segond Ayisyen ki deyò peyi a ap resevwa move nouvèl (...)

KONAP : " Nou pap chita gade yo mennen peyi nou an aladeriv "

Ekri jou mèkredi 15 Desanm 2004

Deklarasyon Kodinasyon Nasyonal k ap Plede kòz Fanm (KONAP)
Dokiman sa a vin jwenn AlterPresse 15 desanm 2004
Apre plis pase 9 mwa chèf rejim òlalwa a fin ale, Kòdinasyon Nasyonal k ap Plede Kòz Fanm, KONAP, ap fè tout popilasyon yo konnen li pat achte yon kat pelouz pou l rete gade jwèt la k ap gate san li pa fè anyen. Jodi a KONAP vin devan Lanasyon, yon fwa ankò, pou fè konnen kijan li derefize kosyone jan enstans ki anchaje mennen bak peyi a pandan peryòd tranzisyon ap fonksyone. Apre rejim òlalwa lavalas la te fin pase souvrènte peyi anba pye, apre rejim sila a te vle fin mete sou kote tout (...)

Ki wout ekip teknokrat yo ap pran ak tranzisyon politik la nan peyi dayiti?

Ekri jou mèkredi 15 Desanm 2004

Kominike Regwoupman Demokratik Popilè
Dokiman sa a vin jwenn AlterPresse 14 desanm 2004
Aprè plis pase 9 mwa gouvènman Alexandre-Boniface la gen sou pouvwa a, pèsonn poko wè klè nan fason y ap mennen tranzisyon politik la. Teknoktrat yo pa fè anyen pou amelyore kondisyon sosyal ak ekonomik moun ki pi pòv yo nan popilasyon an, nan vil kou nan mòn. Nan sa ki konsène anviwonman, malgre divès katastwòf ki pase sou peyi a, ki touye anpil moun nan Mapou, nan Fonvèrèt, nan Gonayiv, nan Nòdwès, teknokrat yo poko janm pran yon ti bout leson pou pwoteksyon anviwonman peyi a. Nou menm nan RDP, nou (...)

0 | ... | 505 | 510 | 515 | 520 | 525 | 530 | 535 | 540 | 545 | ... | 625