Haiti

Dife kontinye limen an Frans : otorite yo entèdi manifestasyon nan vil Pari

Ekri jou dimanch 13 novanm 2005

Pari, 13 novanm [AlterPresse] --- Otorite franse yo entèdi moun manifeste nan kapital peyi Lafrans pandan wikenn nan, ki koumanse vandredi 11 novanm nan ak yon jou konje.
Yo deside tou deplòtonnen 3 mil polisye ak jandam nan vil Pari, yon fason pou prevni zak briganday ki blayi nan peyi a depi plis pase 10 jou, dapre sa ajans AlterPresse aprann.
Depi kèk jou, gen on seri mesaj ki sikile sou entènèt ak sou SMS -ti mesaj yo voye sou telefòn- ki ta envite moun manifeste nan vil Pari epi fè briganday pou wikenn 12 novanm nan, daprè sa Prefekti Pari fè konnen.
Se poutèt sa, otorite yo deside entèdi (...)

Ayiti : Fòs etranjè fè yon ekzaksyon an plis

Ekri jou madi 8 novanm 2005

Kominike Batay Ouvriye
Dokiman sa a vin jwenn AlterPresse 8 novanm 2005
Semèn pase, fòs etranjè nan peyi a fè yon ekzaksyon an plis. Sòlda jodà nyen pete baryè izin kola Lako a, rantre nan izin lan, fè moun kouche pla vant, bat moun, imilye moun. Yo rantre nan ECEM, yo fè menm bagay yo. Pami moun sa yo, majorite a se te OUVRIYE IZIN YO. Nan Lako, yo fè menas y ap tounen. Batay Ouvriye elve vwa li byen wo pou denonse zak kraze brize sa a. Men nou dwe klè sou 2 bagay: Zak la rantre nan kad yon sitiyasyon global. Pou nou, yo pa ka jwe ak mo yo pou vin pale "souverènte limite" ak tout lòt fatra (...)

Ayiti - Gaz : “Se popilasyon an anpriyorite ki dwe benefisye avantaj” negosyasyon ak konpayi Venezyela

Ekri jou madi 8 novanm 2005

Pozisyon Kolektif Mobilizasyon Kont Lavichè
Nòt sa a vin jwenn AlterPresse 8 novanm 2005
Kolektif Mobilizasyon Kont Lavichè kontan aprann gouvènman Venezyelyen an ap voye yon delegasyon konpayi petwòl PDVSA vin negosye ak Leta Ayisyen sou avantaj yo deside bay Ayiti nan zafè gaz. Malgre gouvènman Ayisyen an toujou montre l pentad sou dosye sa a, gouvènman Venezyelyen an montre li gen anpil volonte pou bay Ayiti anpil avantaj nan pèmèt li jwenn gaz nan pri ki pi ba pase pri ki sou mache a. Anplis sa, gouvènman Venezyelyen an deside ede Ayiti menm nan frè traspò. Sa vle di, si akò sa a siyen, (...)

Jounen Lang Kreyòl : SAKS anonse yon seri aktivite

Ekri jou mèkredi 26 oktòb 2005

P-au-P, 26 oct. 05 [AlterPresse] --- Sosyete Animasyon ak Kominikasyon Sosyal (SAKS) tanmen 26 oktòb 2005 lan yon latriye aktivite pou selebre 23è Jounen Entènasyonal Lang Kreyòl la peyi Karayib yo, Oseyan Endyen ak INESKO te adopte nan dat 28 oktòb 1982. Pami aktivite sa yo gen yon espozisyon liv otè ayisyen ak etranje ki ekri an kreyòl. Nan liv sa yo, yo trete divès sijè nan plizyè domèn tankou lasyans, ledikasyon, literati. Nou menm jwenn liv matematik ki ekri nan lang kreyòl la tou, daprè reskonsab SAKS yo ki t ap bay yon konferans pou laprès.
Adjanoumelezo (Franck Etienne), « Dictionary of (...)

Chimen eleksyon poko fin byen balize an Ayiti

Ekri jou mèkredi 19 oktòb 2005

Pòtoprens, 19 okt. 05 [AlterPresse] --- Chimen eleksyon an poko fin byen balize an Ayiti, apre divès desizyon gouvènman an pran semèn pase epi ki koumanse aplike pou rezoud kèk pwoblèm nan pwosesis la.
18 oktòb sa a, premye minis Gerard Latortue fè konnen y ap pouse pou pi lwen dèle pou fèmen operasyon enskripsyon elektè yo, ki te dwe fini 15 oktòb. Li fè deklarasyon sa yo Nouyòk apre yon seyans travay Konsèy Sekirite Nasyonzini sou sitirasyon Ayiti a.
Konsèy sekirite a montre li gen enkyetid pou jan sitirasyon an prezante an Ayiti pandan peryòd eleksyon yo ap pwoche epi li krenn pou eleksyon yo pa (...)

0 | ... | 465 | 470 | 475 | 480 | 485 | 490 | 495 | 500 | 505 | ... | 645