Haiti

An Frans : Seremoni nan memwa 18 moun, pami yo 9 Ayisyen ki te mouri toufe nan on dife

Ekri jou madi 13 septanm 2005

Pari, 13 septanm 05 [AlterPresse] --- On seremoni ekimenik, sa vle di on seremoni ki reyini divès kalte relijyon, fèt lendi 12 septanm 2005 la nan vil L’Hay-Les-Roses, tou pre Pari, nan memwa 18 moun, pami yo 9 Ayisyen, ki te mouri toufe nan on dife ki te pete lannuit 3 pou antre 4 septanm pase.
Plizyè mil moun te patisipe nan seremoni sa a, sitou sila yo ki rete nan 112 apatman (112 kay) ki gen nan bilding nan. Fanmi mò yo te depoze bouji devan 18 plak ki pote non viktim yo.
Anviwon 10 entèprèt nan konsèvatwa minisipal l’Hay-Les-Roses te anime seremoni a avèk mizik konpozitè tankou Bach, (...)

Ayiti : Banbòch konpa

Ekri jou lendi 29 out 2005

Pòtop., 29 out 05 [AlterPresse] --- Plizyè dizèn milye moun te rasanble dimanch 28 out nan aswè sou Chanmas, nan Pòtoprens, pou amize yo nan yon festival konpa.
Festival sila ki te fèt nan kad selebrasyon 50tan depi mizik popilè sa a ekziste. Li te reyini tout gwoup potomitan konpa a ki an Ayiti ak aletranje.
Pami gwoup ki aletranje yo ki te prezan, nou te jwenn Tabou Combo, Nu Look, Carimi, Magnum Band ak Zenglen.
Pami gwoup kap feraye an Ayiti yo ki te la, nou te jwenn Twopikana, Mizik Mizik, Kdans, Mamina, Kreyòl la, Mas Konpa ak Dega.
Kidonk se te yon kokenn chenn evenman ki te (...)

Ayiti - Eleksyon : Pa gen desizyon ofisyèl sou chanjman nan kalandriye elektoral la

Ekri jou mèkredi 10 out 2005

Pòtoprens 10 dawout 05 [AlterPresse] --- Sekretè jeneral Konsèy Elektoral Pwovizwa (KEP) Rosemond Pradel deklare bay AlterPresse jounen 10 dawout la enstitisyon an poko bay dizon l sou posibilite pou ta fè kèk chanjman nan kalandriye elektoral la .
Pandan l t ap reyaji sou yon deklarasyon chef kabinè patikilye prezidan an, Michel Pierre
Brunache, bay ajans Associated Press sou chanjman ki ta fèt nan kalandriye a, Pradel fè konnen klèman « KEP a poko fè okenn chanjman nan dat ki te prevwa pou òganize eleksyon yo ».
Associated Press rapòte deklarasyon Brunache ki fè kwè KEP a deside chanje dat (...)

Divizyon nan Fanmi Lavalas sou kesyon eleksyon

Ekri jou mèkredi 10 out 2005

Moso nan yon nòt ki sòti sou sit ofisyèl Fanmi Lavalas nan dat 9 out
AlterPresse reprann pati nan dokiman sa a 10 out 2005
Lè nou konsidere Atik 29 Manman Lwa Oganizasyon Politik Fanmi Lavalas lan, ki di: “Se Reprezantan nasyonal la ki gen pouvwa pou l dirije Oganizasyon Fanmi Lavalas epi ki dwe veye pou tout bagay mache byen. Li responsab tout aktivite Oganizasyon an. Li la pou li defann dwa Oganizasyon an tout kote, fè yo konnen enpòtans travay Oganizasyon ap fè a epi li fè tout lòt travay manman lwa a mande. Pou kounyè a, se Prezidan Jean-Bertrand Aristide yo vote kòm Reprezantan (...)

Ayiti : Gen jefò ki fèt nan dosye sekirite a, dapre Valdès

Ekri jou mèkredi 10 out 2005

Pòtoprens 10 dawout 2005 [AlterPresse] --- Chèf civil Misyon Nasyonzini pou Estabilize Ayiti (MINISTA) Juan Gabriel Valdès di li konstate gen amelyorasyon nan zafè sekirite nan peyi a epi li pwofite felisite fòs lòd yo pou bon travay li di yo founi nan kwape bandi nan kapital la dènye jou sa yo.
Nan yon konferans pou la près li bay 9 dawout la, anbasadè Valdès fè konnen « gen gwo amelyorasyon ki fèt nan kesyon sekirite an Ayiti ». Dapre anbasadè a, « sitiyasyon akalmi sa a se rezilta jefò misyon la pè k nan peyi a, la polis ak popilasyon ayisyen an ki bay bon jan kolaborasyon pou kwape bandi nan kapital (...)

0 | ... | 460 | 465 | 470 | 475 | 480 | 485 | 490 | 495 | 500 | ... | 630