Haiti

Ayiti : Manifestasyon nan Pòtoprens pou 1 an epidemi kolera

Ekri jou mercredi 19 octobre 2011

Kominike Kolektif Mobilizasyon pou Dedomaje Viktim Kolera yo
Dokiman sa a vin jwenn AlterPresse 18 oktòb 2011
Nan okazyon yon lane depi Kolera ap taye banda nan peyi a, epi nan kad operasyon pou deboulonnen MINUSTAH-KOLERA, Kolektif Mobilizasyon pou Dedomaje Viktim Kolera yo envite pèp ayisyen an nan yon gwo manifestasyon l ap òganize mèkredi 19 oktòb la Pou : mande depa MINISTA san pèdi tan. Mande nasyonzini repare tout viktim kolera, kadejak ak represyon MINISTA fè nan peyi a. mande kay pou moun ki anba tant yo. Mande tè, zouti ak angrè pou peyizan yo travay.
Manifestasyon 19 oktòb la jwenn (...)

Haiti-Enpinite : Sa fè 17 lane asasen pè Jan Mari Vensan yo ap jwi enpinite

Ekri jou vandredi 26 out 2011

Kominike Jistis ak Lapè
Dokiman sa a vin jwenn AlterPresse 26 out 2011
Komisyon Episkopal Nasyonal Jistis ak Lapè ap sonje : jou 28 out, sa ap fè 17 lane depi yo asasinen Pè Jean Marie Vincent. Se te nan aswè dimanch 28 daou 1994, lè yon bann asasen, Lajistis pa janm idantifye, touye Pè a devan kay kote l te rete a ak bal.
Pou nou menm nan Komisyon an, Pè Jean Marie Vincent rete yon moun ki te kanpe tennfas ak tout fòs kouray Bondye te ba li pou defann peyizan, pòv ak malere. Tout moun ki te rankontre ak li, te konnen l pou kouray ak deteminasyon l. Li t ap defann lavi moun pòv ak viktim kont (...)

Ayiti-Etazini : "28 jiyè, yon dat madichon pèp ayisyen an pap janm bliye"

Ekri jou jedi 28 jiyè 2011

Moso nan kominike Tèt Kole Oganizasyon Popilè yo, MODEP, BRI KOURI, MOLEGHAF, GREPS, Batay Ouvriye, nan okazyon 96èm anivèsè debakman Meriken an Ayiti
AlterPresse resevwa dokiman sa a 27 jiyè 2011
28 Jiyè 1915-28 Jiyè 2011, sa fè 96 lane depi lame enperyalis Etazini yo te debake nan peyi a pou yo te okipe nou pandan 19 lane, touye anpil pitit peyi a, bwote tout richès peyi a. 96 lane aprè gwo pisans enperyalis yo ak Neyokolonyalis yo kouwè : Etazini, Kanada ak Lafrans sèvi ak yon bann gouvènman sousou nan peyi yo te okipe, tankou : Brezil, Ajantin, Chili elatriye pou fè dappiyanp sou Ayiti. Gwo (...)

Ayiti : Pinga, pinga ! Fanm yo pap pèdi rezilta batay yo !

Ekri jou vendredi 3 juin 2011

Pozisyon SOFA sou menas Gouvènman tou nèf la pou fèmen Ministè Kondisyon Fanm Ak Dwa Fanm
Dokiman sa a vin jwenn AlterPresse 3 jen 2011
Solidarite Fanm Ayisyèn – SOFA ap suiv avèk anpil atansyon diskou ak aksyon prezidan tou nèf la ansanm ak tout ekip li a. Nou konstate prezidan an tanmen yon kanpay kominikasyon san pran souf pou fè pwomosyon Misye Danyèl Jera Wouzye, li chwazi kòm Premye Minis. Yon kanpay nou pa fin byen konprann lè nou konnen se Palmantè yo Konstitisyon an bay dwa pou ratifye nan yon premye tan chwa premye minis la, epi vote pou oubyen kont tèks politik jeneral l ap gen pou l (...)

Rèl pou sove agrikilti Ayiti

Ekri jou dimanche 29 mai 2011

Dokiman sa a vin jwenn AlterPresse 27 me 2011
Nou menm, ki siyen lèt sa a, nou nan tèt chaje lè n wè konpayi entènasyonal Monsanto ap fè pwodui l yo antre ann Ayiti. Nou mande gouvènman ki fèk monte a fè tou sa k nesesè pou pwoteje agrikilti ayisyen an.
Nou mande nouvo gouvènman an :
1. Pou l bare tout pwodui Monsanto yo sou tout teritwa a, sitou grenn OGM yo ak pwazon chimik danjere (tankou Roundup) yo asosye avèk OGM yo.
2. Pou l denonse akò ansyen prezidan Aristid siyen Miyami an desanm 1994, anba presyon prezidan Clinton. Akò sa a pèmèt manje etranje antre isit lib e libè. Sa te fin (...)

0 | ... | 445 | 450 | 455 | 460 | 465 | 470 | 475 | 480 | 485 | ... | 875