Haiti

Dwa moun : Lekòl nasyonal Ajantin Bèlgad, nan Pòtoprens, youn nan gwo senbòl ansasinay demokrasi nan peyi d Ayiti

Ekri jou lendi 30 novanm 2020

Se te yon dimanch 29 novanm, lane 1987, sa gen 33 zan, lane 2020 an, lè Konsèy nasyonal gouvènman (Kng an), ki te sou pouvwa a, alepòk, te voye al sasinen moun, ki te vle vote, pou premye fwa, depi reny dikati Divalye yo. Riyèl Vayan, lekòl nasyonal Ajantin Bèlgad, nan Pòtoprens, se youn nan gwo senbòl masak Kng an te voye fè sou fanm ak gason, ki te deside al vote, pou eseye chanje sa.
Pòtoprens, 30 novanm 2020 [AlterPresse] --- Dimanch 29 novanm 1987, anpil anpil moun te deside, pou premye fwa, depi septanm 1957, sèvi ak yon kat elektoral, pou eseye chwazi moun, yo te panse ki kapab fè peyi d (...)

Dwa fanm : 6 òganizasyon feminis nan Pòtoprens gen gwo tèt chaje sou feminisid yo, krim san parèy k ap fèt sou fanm, nan peyi d Ayiti

Ekri jou sanmdi 28 novanm 2020

Dokiman sa a vin jwenn AlterPresse nan dat 27 novanm 2020
Deklarasyon òganizasyon feminis yo nan okazyon 25 novanm (2020), Jounen entènasyonal kont vyolans sou fanm
Divès òganizasyon feminis nan Pòtoprens chwazi, ane sa a (2020) pou yo komemore ansanm dat 25 novanm nan sou tèm feminisid la.
Demach sila a fèt, nan lide pou fè konprann enterè, kòz n ap defann nan genyen pou sosyete a. Se nan lide pou reafime dwa fondalnatal nou genyen pou viv epi pou diyite nou respekte. Se nan lide pou redi nou derefize karebare zafè krim ak ensekirite, k ap fè sosyete nou an pèdi sou imanite li.
Kò ansasinay sou (...)

Ayiti : Manifestasyon kont gouvènman an nan plizyè zòn, omwen yon manifestan mouri ak yon bal nan tèt toupre palè nasyonal, plizyè lòt blese

Ekri jou jedi 19 novanm 2020

Ranmase jounen an
Pòtoprens, 18 nov. 2020 [AlterPresse] --- Nan okazyon manifestasyon 18 novanm 2020 an, nan Pòtoprens, yon manifestan mouri anba bal nan tèt, sou Channmas, toupre palè nassyonal. Gen 2 lòt moun ki blese, lè yon machin Lapolis ta fonse sou yon moto, ki te gen 2 moun sou li, dapre imaj ki gaye sou rezo sosyal yo.
Pati politik Ayiti an aksyon fè konnen li gen yon militan l, ki mouri anba bal, ak 2 lòt ki blese anba bal.
Nan divès zòn, nan peyi a, gen plizyè moun ki blese anba bal, nan lese frape ant polisye ak manifestan, mekredi 18 novanm 2020 an, dapre enfòmasyon (...)

Ensekirite : Bandi ak zam simen latwoublay, nan plizyè zòn nan peyi d Ayiti, soti vandredi 13 rive dimanch 15 novanm 2020 an

Ekri jou lendi 16 novanm 2020

Pòtoprens, 16 novanm 2020 [AlterPresse] --- Ant vandredi 13 pou rive dimanch 15 novanm 2020 an, bandi ak zam, yo poko idantifye, simen latwoublay, nan plizyè zòn nan peyi a, tankou nan Pòtoprens ak nan kèk vil pwovens.
Lannuit samdi 14 pou louvri dimanch 15 novanm 2020 an, moun yo pa rive idantifye touye 2 jèn gason, nan Mawotyè 75, komin Kafou.
Sitiyasyon sa a te soulve kòlè moun nan zòn nan, ki te pran lari pou ekzije limyè fèt, sou sikonstans ki antoure lanmò 2 jèn gason sa yo, nan Mawotyè.
Anpil moun kontinye denonse konpòtman otorite yo, ki pa janm pran ankenn dispozisyon pou asire sekirite (...)

Politik : Desizyon, pou mete kanpe yon komisyon pou ekri yon lòt konstisyon nan peyi d Ayiti, depaman ak Konstitisyon an, dapre Konsèy lòd avoka Pòtoprens yo

Ekri jou lendi 16 novanm 2020

Pòtoprens, 16 novanm 2020 [AlterPresse] --- Konsèy lòd avoka Pòtoprens yo voye jete komisyon, Jovenel Moise mete kanpe, 28 oktòb 2020 an, pou ekri yon lòt Konstitisyon nan peyi a, nan yon pozisyon ki vin jwenn ajans AlterPresse.
Se yon desizyon, ki depaman ak Konstitisyon an.
Atik 282 pou rive 284, nan Konstitisyon an, prevwa nan ki kondisyon, yon pase men ka fèt nan manman Lwa peyi a.
Konsèy lòd avoka Pòtoprens yo di li sezi tande deklarasyon Jovenel Moise yo, ki di mèt Monferrier Dorval, bandi te sasinen, 28 dawout 2020, nan Pèlren 5, nan menm zòn kote Jovenel Moise rete an, t ap vin nan tèt (...)

0 | ... | 20 | 25 | 30 | 35 | 40 | 45 | 50 | 55 | 60 | ... | 825