Haiti

Edikasyon : Rantre ofisyèl aktivite lekòl yo rate, jounen lendi 10 dawout 2020 an, divès kote nan peyi d Ayiti

Ekri jou madi 11 out 2020

Pòtoprens, 11 dawout 2020 [AlterPresse] --- Akoz kantite elèv, ki pa t anpil nan divès lekòl, plizyè responsab lekòl te sètoblije ranvwaye rantre elèv yo pou lendi 17 dawout 2020 an.
Se ranmase Regwoupman edikasyon pou tout moun (Rept), pou lendi 10 dawout 2020 an, dat ministè edikasyon nasyonal te prevwa pou lekòl yo relouvri, apre plis pase 4 mwa kanpe, akoz mikwòb kowona an, nan yon deklarasyon li bay AlterRadio/AlterPresse.
Rantre ofisyèl aktivite lekòl yo rate. Se konsta sa a sekretè jeneral Rept la, Svetlana Alexandre, fè.
Pou Regwoupman edikasyon pou tout moun, poko gen bon jan kondisyon pou (...)

Ayiti : Apèl pou rezistans bò kote pwofesè ayisyen yo, kategori enpòtan, men maltrete

Ekri jou lendi 10 out 2020

Lèt tou louvri Berwhis EDOUARZIN pou Pwofesè Ayisyen yo, kategori enpòtan. Men maltrete
Dokiman sa a vin jwenn AlterPresse 6 out 2020
M salye Pwofesè Ayisyen yo. M konn kòman nou ye. Mèsi.
Li paret sèten edikasyon vin pa gen enpòtans kounyea. Enpotans li remonte depi lantikite. Nan tout listwa limanite, lekti ak ekriti se yon zouti puisan ki ride sosyete nou yo pran chimen devlopman, paske metòd sila yo, bay yon gwo bourad avèk lasyans nan sa ki gen a wè avèk pwodiksyon ak transmèt konesans. Anpil moun panse pa gen devlopman san konesans ; si w bezwen mezire nivo devlopman yon nasyon, w mèt sèlman (...)

Ayiti-Ekonomi : Dispozisyon Labank santral yo, pou mete 150 milyon dola nan lari a, pa pral pèmèt goud lan sispann pèdi valè, dapre ekonomis Enomy Germain

Ekri jou lendi 10 out 2020

Pòtoprens, 10 dawout 2020 [AlterPresse] --- 150 milyon dola ameriken, Labank santral (Bank repiblik d Ayiti) di li pral lage nan lari an, anvan 30 septanm 2020 an, ap senpman fè yon ti ralanti nan gwo degrenngolad goud lan, parapò ak dola ameriken an.
Sa pa pral pèmèt goud lan sispann pèdi valè douvan dola ameriken an, dapre ekonomis Enomy Germain ki te pale ak AlterPresse/AlterRadio.
Kantite lajan Labank santral ap mete nan lari a ap pote yon repons sèlman pou 3 semèn.
Chak semenn, sou mache chanje lajan goud / dola ameriken ak dola ameriken / goud, se prèske 40 milyon dola ameriken k ap (...)

Ayiti-ensekirite : Plizyè fanm ak tifi sibi vyolans kadejak, lannuit 7 pou antre 8 dawout 2020 an, nan Jeremi

Ekri jou lendi 10 out 2020

Pòtoprens, 10 dawout 2020 [AlterPresse] --- Lannuit vandredi 7 pou antre samdi maten 8 dawout 2020 an, plizyè fanm ak tifi sibi vyolans kadejak anba men atoufè ak zam, nan lokalite Choran, twazyèm seksyon kominal Jeremi, depatman Grandans, dapre enfòmasyon ajans sou entènèt AlterPresse rasanble.
Nan kad ankèt, otorite yo louvri sou dosye vyolans kadejak sa yo, Lapolis nasyonal arete 3 sispèk, dapre sa Gérald Guillaume, responsab Inisyativ depatmant Grandans lan kont trèt ak trafik timoun fè konnen.
Lokalite Choran pa gen okenn polisye nasyonal. Se yon sitiyasyon, ki pèmèt atoufè ak zam fè sa yo pi (...)

Ayiti-Dwa moun : Nan sitiyasyon latèrè, gang ak zam yo ap simen nan peyi a, yon lòt Kep p ap ka òganize ankenn eleksyon

Ekri jou mèkredi 5 out 2020

Pòtoprens, 4 dawout 2020 [AlterPresse] --- Menm si Jovnèl Moyiz ta rive met sou pye yon lòt estrikti Konsèy elektoral pwovizwa nan peyi a, li p ap ka òganize ankenn eleksyon serye, lib e libè, avèk sitiyasyon kote bandi ak zam ap simen latèrè, toupatou sou teritwa nasyonal lan.
Se deklarasyon Platfòm òganizasyon ayisyen dwa moun yo bay AltèRadyo/AltèPrès.
Akote krim san parèy, gang ak zam yo ap fè nan peyi a, tout sektè nan peyi a pa fè gouvènman, ki la a, konfyans.
Sekirite ak konfyans, se 2 kondisyon fondamantal pou ta gen bon jan eleksyon lib, onèt, demokratik, ki fèt nan peyi a.
Platfòm òganizasyon (...)

0 | ... | 15 | 20 | 25 | 30 | 35 | 40 | 45 | 50 | 55 | ... | 690