Haiti

Ayiti-Klima laterè : Plizyè moun viktim anba bal nan Matisan, nan lese frape gang ak zam depi plizyè jou

Ekri jou vandredi 4 jen 2021

Pòtoprens, 4 jen 2021 [AlterPresse] --- Lese frape, gang ak zam ap fè, depi koumansman mwa jen 2021 an, lakoz plizyè moun viktim anba bal,nan Matisan (nan siid kapital la), dapre enfòmasyon ki vin jwenn AlterPresse/AlterRadio.
Maten vandredi 4 jen 2021 an, kout zam kontinye ap chante nan zòn Matisan ak Fontamara.
Jis kounye a, li difisil pou machin, moto ak moun apye pase nan zòn sa yo.
Se plizyè depatman (Lwès, Sidès, Sid, Grandans ak Nip), ki bloke, akoz degenn gang ak zam yo, k ap simen bal tribò babò nan sid Pòtoprens lan.
Dènye jou sa yo, ta sanble gen plizyè moun ki mouri ak ki blese anba (...)

Ayiti-Move tan :19 siklòn, pami yo 4 ki kapab trè fò, pou peryòd 6 mwa, soti premye jen rive 30 novanm lane 2021 an

Ekri jou madi 1e jen 2021

Pòtoprens, premye jen 2021 [AlterPresse] --- Soti madi premye jen an pou rive madi 30 novanm 2021 an, se sezon siklòn nan, ki rekoumanse. Espesyalis nan kondisyon tan an prevwa 19 siklòn, pami yo 4 ki kapab trè fò, pou peryòd 6 mwa lane 2021 sa a, dapre sa ajans AlterPresse li nan bilten yo fè sòti nan dat lendi 31 me 2021 an.
Detan sezon siklòn lane 2021 an louvri, imidite, ki genyen sou pi fò zile Karayib yo, ap pèmèt aktivite lapli, ki mache ak loray, nan finisman jounen an ak aswè, sou depatman Plato santral, Latibonit, Grandans, Nip ak Lwès, kote nou jwenn Pòtoprens.
Toujou gen van, divès kote, (...)

Ayiti : « Li lè li tan pou n ranmase karaktè n »

Ekri jou madi 18 me 2021

Diskou Rektè Inivèsite Leta a, pwofesè Fritz Deshommes, pou fèt drapo ak inivèsite 18 me 2021
Otè a transmèt dokiman sa a bay AlterPresse
Ki kote peyi d Ayiti rive la a menm jounen jodia? Ki wout peyi nou an ap pran la a ? Wi peyi d Ayiti. Peyi k te fè 18 me 1803 a ? Peyi ki pa t janm nan jwèt ak kolon blan sou kesyon libète, endepandans ak dwa granmoun li ? Ki estasyon ki rete ankò sou chimen kalvè pèp sa a ?
Yonn nan dènye aktyalite nan soufrans pèp ayisyen an rele kidnapin. Kidnapin nan pa respekte pèpap. Zotobre, ti machann, lapolis, pè, mè, frè, pastè, mason lòj, oungan, manbo, komèsan, (...)

Jistis : Woodly Etheart nan men Lapolis an Ayiti, apre arestasyon l nan peyi Repiblik Dominikèn

Ekri jou lendi 17 me 2021

Pòtoprens, 17 me 2021 [AlterPresse] --- Otorite dominikèn yo remèt Woodly Etheart, yo pliskonnen sou non Sonson La Familia, bay Lapolis an Ayiti, jou ki te dimanch 16 me 2021 an, dapre sa Lapolis fè konnen, nan yon nòt li pibliye sou paj Fesbouk li, ajans AlterPresse te gade.
Etheart, Lajistis t ap chèche, jwenn arestasyon l samdi 15 me 2021 an, nan zòn Boca Chica, Repiblik Dominikèn.
« Yo t ap chèche Sonson La Familia, depi lane 2019, apre Lakou Kasasyon peyi d Ayiti te pran yon desizyon, nan mwa me 2018, kont li, lè l te mande pou yo retounen Woodly Etheart nan prizon, yon fason pou l rejije (...)

Ayiti : Pou pi piti 2 moun mouri, 8 disparèt ak 8 lòt sove, lè yon bato koule, samdi 15 me 2021 an, ant Karyès ak zile Lagonav

Ekri jou lendi 17 me 2021

Carriès (Haïti), 17 me 2021 [AlterPresse] --- Pou pi piti 2 moun mouri, 8 disparèt ak 8 lòt sove, pami yo yon ti bebe 3 lane, lè bato « Etoile brillante » koule, nan mitan lanmè, samdi apremidi 15 me 2021 an, detan l t ap soti Karyès pou ale sou zile Lagonav, dapre enfòmasyon AlterPresse rasanble.
Otorite yo ap rapousuiv rechèch yo, pou yo kapab jwenn lòt moun yo, ki te nan bato sa a, kote te genyen 20 pasaje.
Mèkredi 19 dawout 2020, 14 moun te pèdi lavi yo, apre yon bato te koule sou zile Latòti, nan depatman Nòdwès. Otorite yo te rive sove 9 lòt. [jep emb rc apr 17/05/2021 (...)

0 | ... | 10 | 15 | 20 | 25 | 30 | 35 | 40 | 45 | 50 | ... | 885