Haiti

Ayiti-Lajistis : Jij enstriksyon Renord Régis konvoke premye minis Joseph Jouthe pou vin pale kòm temwen, 15 janvye 2021, sou dosye kò sasinay, 28 dawout 2020, sou mèt Monferrier Dorval lan

Ekri jou lendi 21 Desanm 2020

Pòtoprens, 21 desanm 2020 [AlterPresse] --- Jij enstriksyon Renord Régis, ki anchaje travay sou dosye kò sasinay, vandredi 28 dawout 2020 an, sou mèt Monferrier Dorval lan, konvoke, pou vandredi 15 janvye 2021, k ap vini an, premye minis tèt kale an, Joseph Jouthe, pou vin pale kòm temwen, sou kozman an, dapre sa ajans AlterPresse aprann.
Piske Joseph Jouthe ap jwe wòl premyee minis, se selman prezidan repiblik lan, Jovenel Moïse, ki kapab bay otorizasyon pou jij enstriksyon an tande l.
Atik 400 kòd enstriksyon kriminèl lan di gwo fonksyonè nan Leta yo p ap janm ka site kòm temwen, menm pou deba (...)

Ayiti-Krim : 570 moun mouri anba zak vyolans, nan Pòtoprens, ant janvye rive 30 novanm 2020 an, daprè Jilap

Ekri jou lendi 21 Desanm 2020

Pòtoprens, 21 desanm 2020 [AlterPresse] --- Ant koumansman mwa janvye rive 30 novanm 2020 an, Komisyon legliz katolik women Jistis ak Lapè (Jilap) konte 570 moun, ki mouri anba zak vyolans, nan zòn metwopoliten Pòtoprens lan, nan yon ranmase li bay AlterRadio/AlterPresse.
Ant jiyè rive septanm nan sèlman, gen 185 moun ki mouri akòz vyolans, daprè kòdonatris jeneral Jilap lan, Jocelyne Colas.
Avèk yon total 88 moun mouri, Site solèy se komin, kote ki gen plis moun mouri anba vyolans nan zòn metwopoliten Pòtoprens lan, soti jiyè rive septanm 2020 an. An apre, nou jwenn 50 ka moun ki mouri anba (...)

Ayiti-Politik : Sektè demokratik ak popilè a mande ekip tèt kale an annile dekrè sou Ajans nasyonal entelijans lan

Ekri jou lendi 21 Desanm 2020

Pòtoprens, 21 desanm 2020 [AlterPresse] --- Sektè demokratik ak popilè a an voye jete demann ekip tèt kale, bay Ofis pwoteksyon sitwayèn ak sitwayen, pou l ta bay dizon l sou dekrè, dèyè do Konstitisyon an ak lalwa, ki ta vle mete kanpe yon polis anbachal, ki rele Ajans nasyonal entelijans (Ani).
Youn nan pòt pawòl sektè demokratik ak popilè an, mèt Michel André, mande ekip tèt kale an annile dekrè sa a, ki montre aklè entansyon pouvwa a pou tabli yon diktati nan peyi a.
Mete sou sa, Konstitisyon an pa bay Ofis pwoteksyon sitwayèn ak sitwayen (Opc) ankenn manda, pou ta pase men nan ankenn tèks gouvènman (...)

Istwa : 16 desanm 1990, dat premye eleksyon demokratik nan peyi d Ayiti

Ekri jou mèkredi 16 Desanm 2020

Pòtoprens, 16 desanm 2020 [AlterPresse] --- 16 desanm 2020 an fè 30 lane, depi popilasyon ayisyen an te reyisi patissipe, pou premye fwa nan istwa l, nan eleksyon demokratik, dapre sa ajans AlterPresse fè sonje.
Kandida pati politik Fwon nasyonal pou chanjman ak demokrasi (Fncd), Jean Bertrand Aristide, ta pral vini premye prezidan, ki soti nan eleksyon demokratik, nan peyi an.
Eleksyon 16 desanm 1990 yo te fèt sou Ertha Pascal-Trouillot, ki te premye fanm prezidant peyi d Ayiti.
Lyetnan jeneral Raoul Cédras pral bay Jean Bertrand Aristide yon koudeta, nan dat 30 septanm 1991, ki pral lakoz (...)

Ayiti-Krim : Jistis ak lapè swete bon jan suivi, sou zak maspinay dwa moun, yo repwoche 2 ansyen ofisyèl nan gouvènman an ak yon chèf gang

Ekri jou madi 15 Desanm 2020

Pòtoprens, 15 desanm 2020 [AlterPresse] --- Komisyon legliz katolik women, Jistis ak lapè (Jilap) mande otorite ayisyen yo fè swivi nesesè, sou zak maspinay dwa moun, yo repwoche 2 ansyen ofisyèl nan gouvènman an, Fednel Monchery ak Pierre Richard Duplan, ak chèf gang, Jimmy Chérizier, yon ansyen polisye nasyonal yo plis konnen sou non Babekyou.
Jilap kritike ekip, ki sou pouvwa an, ki pa janm fè anyen, depi plis pase 2 zan, depi masak novanm 2018 yo, nann katye Lasalin, Pòtoprens, pou fanmi viktim yo jwenn jistis, malgre divès òganizasyon dwa moun nan peyi an pa janm sispann lonje dwèt sou zak (...)

0 | ... | 5 | 10 | 15 | 20 | 25 | 30 | 35 | 40 | 45 | ... | 820