Haiti

Ayiti-Politik : Douvan gwo leve kanpe nan Miragwán ak lòt kote, senatè Nènel Cassy lage byen ta jedi swa 21 janvye 2021 an, apre l sibi yon arestasyon gwo ponyèt

Ekri jou vendredi 22 janvier 2021

Miragwán (Ayiti), 21 janvye 2021 [AlterPresse] --- Douvan gwo leve kanpe nan Miragwán (depatman Nip) ak divès lòt kote, tankou Pòtoprens, komisè gouvènman tribinal sivil Miragwán nan, mèt Jean Ernest Muscadin, fè lage, byen ta jedi swa 21 janvye 2021 an, senatè Nènèl Cassy, li te fè arete, sou lòd Jovenel Moïse, dapre enfòmasyon ki vin jwenn AlterPresse.
Senatè Nènel Cassy pase plizyè èd tan minote, 2 bra dèyè, nan komisarya polis Miragwán nan.
Plizyè vwa nan opozisyon an kont ekip tèt kale Jovenel Moïse lan te frape pye atè, pou di sa p ap pase konsa.
« Se dènye gout dlo an. Zak sa a montre ankò volonte (...)

Ayiti : Gen 34 jèn foutbolèz, ki sibi abi sou kò yo, nan sant Fifa Goal Kwadèboukè an, dapre Fifa

Ekri jou madi 19 janvye 2021

Pòtoprens, 19 janvye 2021 [AlterPresse] --- Gen 34 jèn foutbolèz, ki sibi abi sou kò yo, nan sant Fifa Goal Kwadèboukè an, dapre yon dokiman 45 paj Federasyon entènasyonal asosyasyon foutbòl yo (Fifa) rann piblik mèkredi 13 janvye 2021 an.
Pami 34 jèn foubolèz sa yo, gen 14 ki sibi tizonnay dirèk sou kò yo, anba men ansyen prezidan Federasyon ayisyen foubòl lan, Yves Jean-Bartl, dapre sa AlterPresse li nan dokiman Fifa an.
Nan dat 20 novanm 2020, Fifa te deside pran sanksyon kont Yves (Dadou) Jean Bart, ki p ap kapab, pou tout tan, patisipe nan ankenn aktivite foutbòl, sou baz akizasyon tizonnay sou (...)

Ayiti-Ensekirite : 6 moun mouri ak bal, yon lòt blese nan yon atak bandi ak zam fè, nan yon peristil nan komin Sen Rafayèl

Ekri jou lendi 11 janvye 2021

Sen Rafayèl (depatman Nò peyi d Ayiti), 11 janvye 2021 [AlterPresse] --- 6 moun mouri ak bal ak yon lòt blese, se bilan yon atak bandi ak zam fè, lannuit jedi 7 janvye 2021 an, nan yon peristil Savàn Dyàn, yon lokalite nan komin Sen Rafayèl, kote yo t ap fè yon seremoni pou kwape bandi, ki pa sispann vòlè bèt ak lòt pwodui peyizan yo plante.
Pami 6 moun ki mouri yo, genyen Aronce Garçon, ki se yon oungan, Odino, Milien ak Minouse, dapre enfòmasyon Ajan ekzekitif enterimè nan komin nan, Ménéide Moïse, bay AlterPresse/AlterRadio.
Sitiyasyon sekirite an, nan komin Sen Rafayèl, pa depaman ak jan sa ye nan (...)

Ayiti-Politik : Fjkl mande Jovenel Moïse kanpe sou pwojè vini ak yon lòt Konstitisyon an

Ekri jou lendi 11 janvye 2021

Pòtoprens, 11 janvye 2021 [AlterPresse] --- Òganis dwa moun yo Fondasyon je klere (Fjkl) mande ekip tèt kale Jovenel Moïse kanpe sou pwojè vini ak yon lòt Konstitisyon, li vle fè nan peyi a san gade dèyè, nan yon nòt ki rive jwenn AlterPresse.
Se sa ki ka anpeche peyi a tonbe nan plis katchouboumbe, dapre Fjkl, ki fè Jovenel Moïse sonje ki jan non l deja site, nan eskandal kòripsyon ak zak maspinay dwa moun.
Pou Fjkl, pase men nan Konstitisyon an, jan ekip Jovenel Moïse lan vle fè l lan, pral mete sou kote gwoup, katye, zòn ak lòt kouch enpòtan nan sosyete a.
Sityasyon ensekirite a pa pèmèt yon (...)

Ayiti-Ensekirite : 938 moun pèdi lavi yo pandan lane 2020 an, dapre Rnddh

Ekri jou mercredi 30 décembre 2020

Pòtoprens, 30 desanm 2020 [AlterPresse] --- 938 moun pèdi lavi yo pandan lane 2020 an, akoz ensekirite nan peyi dAyiti, dapre Rezo nasyonal kap defann dwa moun yo (Rnddh), ki tap patisipe nan yon konferans kite fèt madi 29 desanm 2020 an.
Alatèt Rnddh lan, Pierre Espérance fè konnen genyen 185 moun ki mouri nan divès masak ki fèt nan katye popilè yo. Li presize chif sa a pa pran an konsiderasyon masak Bèlè yo paske òganizasyon an poko fini konte tout viktim yo.
2020 se yon lane katastwòf sou plan dwa moun, dapre Rnddh ki ankouraje popilasyon an leve kanpe kont krim yo nan peyi a.
Pierre Espérance (...)

0 | 5 | 10 | 15 | 20 | 25 | 30 | 35 | 40 | ... | 820