Haiti

Ayiti-Ensekirite : Paran Olsmina Jean Méus, yon ti fi 5 lane, jwenn kadav li, 8 jou apre bandi ak zam te kidnape l

Ekri jou jedi 18 fevriye 2021

Pòtoprens, 18 fevriye 2021 [AlterPresse] --- 8 jou apre bandi ak zam te kidnape l, paran Olsmina Jean Méus, yon ti fi 5 lane, al dekouvri kò l, tou mouri, nan Pont Breya, Matisan, dimanch 7 fevriye 2021, dapre sa manman ti pitit fi sa a fè AlterPresse konnen.
Bandi ak zam yo sanble etenn souf ti fi a, paske paran l pa t kapab ba yo 40 mil dola ameriken, yo te mande a pou lage l.
Manman Olsmina Jean Méus, ki se yon machann pistach, mande èd pou l kapab fè antèman pitit fi li an, Olsmina Jean Méus. [jep emb rc apr 18/02/2021 (...)

Ayiti-Jistis : Jij nan Lakou Kasasyon Yvickel Dabrézil lage jedi apremidi 11 fevriye 2021, 5 jou apre ajan Usgpn te arete l, detan l t ap dòmi

Ekri jou vandredi 12 fevriye 2021

Pòtoprens, 12 fevriye 2021 [AlterPresse] --- 5 jou apre ajan Inite sekririte jeneral Palè nasyonal (Usgpn) dappiyanp li, detan l t ap dòmi, bò 2 zè edmi dimaten, dimanch 7 fevriye 2021, jij nan Lakou Kasasyon an Yvickel Dabrézil lage epi retounen lakay li, jedi apremidi 11 fevriye 2021 an, dapre enfòmasyon ki vin jwenn ajans AlterPresse.
Apre pouvwa defakto an te akize Yvickel Dabrezil ak 22 lòt moun, kòmkwa yo ta nan mitonnen yon koudeta kont Jovenel Moise, minis jistis defakto an te fè plizyè manèv, pou kenbe jij Lakou Kasasyon an nan prizon.
Kabinè enstriksyon Kwadèboukè an di li pa gen (...)

Ayiti-Dwa moun : Pouvwa defakto a kenbe nan prizon jij Lakou Kasasyon Yvickel Dabrésil, malgre tribinal sivil Kwadèboukè an mande lage l

Ekri jou jedi 11 fevriye 2021

Pòtoprens, 11 fevriye 2021 [AlterPresse] --- Ministè lajistis defakto a kenbe nan prizon jij nan Lakou Kasasyon Yvickel Dabrézil, malgre tribinal sivil Kwadèboukè an mande lage l, apre odyans mèkre10 10 fevriye 2021 an, sou dosye sa a, dapre enfòmasyon ajans sou entènèt AlterPresse ranmase.
Nan yon lèt, ki pote dat 9 fevriye 2021 an, minis jistis defakto a, Rockfeller Vincent, di li mete yon bout, pou yon ti tan, nan aktivite grefye Christophe Lesperance, ki te fèk travay, mèkredi 10 fevriye 2021 an, sou dosye jij Lakou Kasasyon an Yvickel Dabrezil ak 17 lòt prizonye politik yo.
Ni dwayèn tribinal (...)

Politik : Òganizasyon feminis nan peyi d Ayiti di NON, yo pa dakò ak atak kaponnay pouvwa a

Ekri jou madi 9 fevriye 2021

Dokiman sa a vin jwenn AlterPresse nan dat 8 fevriye 2021
Nan lannuit 6 pou rive 7 fevriye 2021, pouvwa a bay lòd pou dappiyanp 18 pèsonalite. Sèten ladan yo soti nan enstitisyon kle, tankou majistrati ak polis nasyonal. Yo arete yo, malmennen yo epi mete yo nan detansyon. Pami moun yo arete yo, genyen : Madan Marie Louise Gauthier, ki se Enspektris jeneral lapolis, yon moun ki angaje pou gen plis fanm nan lapolis la epi pou fè respekte dwa prizonyèz yo; Mèt Yvikel Dabresil, ki jij nan Kou Kasasyon an, ki se pi gwo entans nan lajistis peyi a; epi Misye Louis Buteau, yon agwonòm ki byen koni (...)

Ayiti-Ensekirite : Yon estann ak plizyè kay boule nan Jakmèl

Ekri jou jedi 28 janvye 2021

Jakmèl (Ayiti), 28 janvye 2021 [AlterPresse] --- Yon estann, ki ta sipoze resevwa ofisyèl nan Kanaval Jakmèl la (depatman Sidès peyi d Ayiti), ak plizyè kay boule, lè yon dife eklate, lannuit mèkredi 27 pou louvri jedi 28 janvye 2021 a, nan avni Barranquilla, pi gwo ri nan komin nan, dapre enfòmasyon AlterPresse rive jwenn.
Dife sa a pran nan espas, kote estann ofisyèl kanaval Jakmèl lan konn fèt la, ki twouve l nan avni Barranquilla. Anviwon 4 lòt kay boule nan menm okazyon an.
Poko gen ankenn limyè ki fèt, sou sikonstans ki lakoz dife sa aeklate nan zòn sila a.
Malgre dilijans te fèt pou kamyon (...)

0 | 5 | 10 | 15 | 20 | 25 | 30 | 35 | 40 | ... | 825