Haiti

Transpò : 6 pasaje mouri vandredi swa 2 jiyè 2021 a, lè avyon yo te ladan yo a kraze Leyogán

Ekri jou lendi 5 jiyè 2021

Pòtoprens, 4 jiyè 2021 [AlterPresse] --- 6 pasaje, ki te nan yon ti avyon, ki t ap sòti Potoprens pou ale Jakmel, mouri, lè avyon yo te ladan an kraze, nan lokalite Matiren, zòn Bosejou, komin Leyogàn, aswè vandredi 02 jiyè 2021 an, dapre enfòmasyon ajans AlterPresse ranmase.
6 moun ki mouri yo, se Jhon Miller ak Trent Hosteller ki se sitwayen Ameriken, Wigg Desrosiers ki se Ayisyen, Rony Cedano Beras ak Amin Abez Perez ki se Dominiken epi Bretagne Rodriguez, ki t ap kondui avyon an, ki se yon Venezyelyen. [jep rc apr 04/07/2021 (...)

Ayiti-Kriminalite : Asosyasyon feminis yo deklare « briganday otorite yo, konplisite yo ak gang ame yo pèmèt laterè blayi toupatou nan peyi a »

Ekri jou samedi 3 juillet 2021

Kominike 16 asosyasyon ak feminis endepandan
Dokiman sa a vin jwenn AlterPresse 3 jiyè 2021
Nou pa p koube pou asasen yo !
Se ak gwo lapenn e ak anpil endiyasyon òganizasyon feminis yo aprann kò ansasinay ki fèt nan aswè 29 jen 2021 an, nan Pòtoprens, sou yon latriye moun. Antoinette Duclaire (alyas Netty), yon kanmarad feminis, yon militant politik, yon jounalis angaje, konte pami viktim yo, menm jan ak yon lòt pèsonalite tankou Diego Charles, jounalis radyo Vizyon 2000. Feminis yo koube byen ba devan tout viktim yo. Yo prezante kondoleyans yo bay fanmi ak zanmi yo, kanmarad konba yo, kòlèg (...)

Kovid : Kouman medsin konvansyonèl ka marye ak medsin tradisyonèl pou ede sove lavi moun an Ayiti ?

Ekri jou samedi 26 juin 2021

Pòtoprens, 26 jen 2021 [AlterPresse] --- Kriz ensekirite ak vyolans akselere an Ayiti nan dènye semèn sa yo, pandan peyi a ap debat nan yon kriz politik ki rete san bout jiskaprezan. Nan moman sa a, kriz sanitè Kovid-19 la ki rebondi depi kèk tan e k ap bay anpil tèt chaje nan peyi a, konplike sitiyasyon an pi rèd.
Ak bilten 21 jen Ministè sante piblik la, nou pase limit 400 moun ki mouri anba maladi a, dapre chif ofisyèl. Menm done sa yo fè konnen gen plis pase 18000 ka konfime. Chak jou gen plizyè dizèn nouvo ka konfime e pafwa se plizyè moun ki mouri nan yon sèl jounen.
Sou fason maladi a ap (...)

Ayiti-Jistis : Palè nasyonal vle anpeche dosye kò sasinay sou mèt Monferrier Dorval la vanse kòmsadwa, dapre Rezo nasyonal k ap defann dwa moun yo

Ekri jou lendi 21 jen 2021

Pòtoprens, 21 jen 2021 [AlterPresse] --- Se palè nasyonal, ki dèyè desizyon alatèt lapolis nasyonal d Ayiti a pran, pou retire zam, ki te nan men polisye nasyonal, k ap asire sekirite jij enstriksyon Renord Régis, ki anchaje travay sou dosye mèt Monferrier Dorval, dapre Rezo nasyonal k ap defann dwa moun yo (Rnddh), nan yon entèvyou li bay AlterRadio/AlterPresse.
Rnddh fè konnen desizyon sa a, se yon fason pou mete jij la, nan yon sitiyasyon ensekirite, pou dosye kò sasinay sou mèt Monferrier Dorval la pa vanse kòmsadwa.
Bandi ak zam te sasinen batonye Pòtoprens la, vandredi 28 dawout 2020 an, nan (...)

Ayiti-Ensekirite : Lapolis di l pase lòd, pou anpeche zak piyaj yo repete ankò nan kapital Pòtoprens la

Ekri jou lendi 21 jen 2021

Pòtoprens, 21 jen 2021 [AlterPresse] --- Lapolis anonse li bay lòd, pou anpeche zak piyaj yo, ki fèt, ant vandredi 18 jen pou rive dimanche 20 jen 2021 an, kèk kote, nan kapital Pòtoprens la, repete ankò, nan yon nòt ki vin jwenn AlterPresse.
Pou yon twazyèm jou, youn dèyè lòt, bandi ak zam, melanje ak sivil, piye divès magazen, nan zòn Chansrèl, komin Site Solèy, san pèsonn moun pa wè lonbray lapolis, ki kontinye ap pwomèt li pral twoke kòn ak gang ak zam yo.
Pami magazen, bandi ak zam piye yo, gen Mache Ti Tony, anpil moun t ap gade imaj piyay yo, sou rezo sosyal yo.
Chanm komès ak endistri (...)

0 | 5 | 10 | 15 | 20 | 25 | 30 | 35 | 40 | ... | 875