Ayiti – Anviwonman : Sou wout pou ogmante kantite lak kolinè nan peyi a
-lendi 18 mas 2013-
-
Pòtoprens, 18 mas 2013 [AlterPresse] --- Gouvènman peyi d Ayiti ap travay pou ogmante kantite lak kolinè ki genyen nan peyi a.
Se sa premye minis Laurent Salvador Lamothe, ki gen chapo tou minis planifikasyon ak koperasyon, deklare nan moman li t ap vizite kongregasyon Ti frè ak ti sè yo Ti plas kazo (nan nò kapital la).
Se kongregasyon sa a ki reskonsab pwogram nasyonal lak kolinè yo.
Yo ta gen tan debloke 150 milyon goud pou konstui 18 lak kolinè, dapre Lamothe, ki fè konnen gouvènman li an gen yon plan pou konstui 150 nouvo lak koilinè.
Jounen jodi a, nou jwenn 190 lak kolinè nan tout peyi a, dapre chif ofisyèl yo.
Lak sa yo bay posibilite pou fè yon pi bon jesyon ak yon bon itilizasyon dlo lapli, dapre sa minis Lamothe fè chonje.
Lak sa yo gen kapasite anviwon 5 milyon mèt kib dlo. Yo pèmèt moun nan kominotè yo fè elvay pwason, bay bèt dlo, fè agrikilti elatriye. [srh kft rc apr 18/03/2013 10:55]
-
