Pòtoprens, 28 dawout 2009 [AlterPresse] --- Fenomèn dap piyanp lan fè yon ti bese, nan dènye mwa sa yo, nan peyi d Ayiti gras ak jefò otorite lapolis yo ak sòlda nasyonzini yo rive fè.
Depi kòmansman ane 2009 la, zak kidnapin yo rive bese a 74 pou san, daprè chif Fred Blaise, ki se pòtvwa polis nasyon zini an, mete deyò ayè jedi 27 dawout la.
Pou mwa me 2009, te gen yon rediksyon 80 pou san sou kantite moun atoufè te fè dap piyanp. Nan mwa jen 2009, te gen yon rediksyon de 82 pou san. Zak kidnapin lan ta pral konnen yon rediksyon de 66 pou san nan mwa jiyè 2009, sa fè n konprann aktivite kidnapin lan te fè yon ti monte
Tout estatistik sa yo pouse Fred Blaise di zak kidnapin yo diminye jiska 74 pou san depi ane 2009 la kòmanse, lè li konpare l ak ane ki sot pase a.
Nan dat 15 jiyè 2009, te gen 47 moun ki te sibi zak kidnapin depi ane sa tanmen. Nan menm peryòd la nan lane 2008, atoufè te fè dap piyanp sou 190 moun.
Soti janvye pou rive jiyè 2009, lapolis mete anba kòd 59 atoufè pou zak kidnapin, poutan nan menm peryòd sa ane pase te genyen 209 arestasyon ki te fèt pou menm kòz la. [do mm apr 28/08/2009 15:30]
Consulter +
