Pòtoprens 21 sept. 07 [AlterPresse] --- Vennsis 26 moun jwenn arestasyon yo nan divès operasyon polis nasyonal la ak polis nasyon zini an te fè pandan 8 jou ki sot pase yo.
Enfomasyon sa yo soti nan bouch responsab fòs Misyon Nasyon Zini pou estabiliszasyon an Ayit (ki gen ti non jwèt Minista).
Operasyon sa yo te fèt nan divès vil nan peyi a.
Yo rive met men sou 1 moun nan jeremi (Sidwès), 7 moun nan vil Okay (Sid), pami yo yon ofisye polis nasyonal la, 4 moun nan lokalite Sizann (Sid), 14 nan kwadèboukè (Nòdès kapital la) ak 2 lòt nan pati nò kapital la.
Anpil nan moun yo met anba kòd yo se pou trafik dwòg, asosyasyon malfektè, ak moun lapolis te gen lontan ap chèche.
Pandan operasyon sa yo, la polis nasyonal ak fòs nasyon zini yo rive sezi dwòg, tankou mariwana ak kokayin, zam ak machin moun sa yo te genyen avè yo nan moman yo te arete yo a.
Anpil nan operasyon sa yo te posib gras ak konkou popilasyon ayisyen an, dapre sa pòtpawòl polis nasyon zini an, Fred Blaise, deklare. [kj rc apr 21/09/2007 14:15]
Consulter +