Ayiti - Eleksyon : "Koudeta : non - Demokrasi : wi"

Pozisyon yon gwoup sitwayen ak sitwayèn ayisyen k ap viv nan Amerik Dinò ak Ewòp

Dokiman sa a vin jwenn AlterPresse 14 fevriye 2006

Nou menm sitwayen ak sitwayèn ki toujou akonpaye pèp Aysyen an nan batay li pou demokrasi ak yon lòt kalte lavi, nou deklare :

-  Nou denonse koudeta kap marinen pou bloke volonte pèp la eksprime nan eleksyon 7 fevriye yo pou l wete gouvènay peyi a nan men boujwa ak makout ki pa janm fè anyen pou rezoud gwo pwoblèm peyi a;

-  Aksyon san reflechi boujwazi a, politisyen tradisyonèl yo, Konsèy elektoral la ak Gouvèlman an pou pilonnen volonte majorite moun nan peyi a epi mete peyi a andanje se yon prèv anplis ki demontre kare bare boujwa ak makout paka danse dans demokrasi;

-  “Nou vle yon peyi ki òganize epi kap mache nan enterè majorite moun kap viv ladan l.†Se sa pèp Ayisyen an di nan eleksyon 7 fevriye yo. Jodi a tankou demen lè Préval monte prezidan, pawòl sa a dwe tounen yon reyalite nan tout desizyon politik. ekonomik ak sosyal kap pran nan peyi a ;

-  Nou mande pèp la nan kat (4) kwen peyi a pou l pa pran nan kraponnay, leve kanpe tankou yon sèl zòm pou l defann vòt li ak peyi l.

Nouyòk, 13 fevriye 2006

Moun ki siyen :

Jean L. Joseph (Saint Petersburg, Florida)
Alain Zéphyr(New York, USA)
Eddy Lucien (Toulouse, France)
Guitho Marcélus (Fort Myers, Florida)
Ludnie Leconte (New York, USA)
Roland Sainristil (New York, USA)
Abner Simon (New York, USA)
Daniel Biko (New York, USA)
Bruno Derson (Montréal, Canada)
Yves Pierre (Toulouse, France)
BlairChéry (Toulouse, France)
Chenet Gelin (West Palm Beach, Florida)
Aldrine Duvivier( Boston, Massachusetts)
Milthone Paul (New York,USA)
Addy Vilamar(New Jersey, USA)
Rose Nella Norvil (New York, USA)
Augustave Jean Gérald (Miami, Florida)