Gotson Pierre
Pòtoprens, 9 nov. 2024 [AlterPresse] --- Ansyen prezidan repibliken Donald Trump ranpòte yon kokenn viktwa nan eleksyon 5 novanm yo, anfas visprezidant demokrat Kamala Harris.
Etazini ap pare l an janvye pwochen pou abòde yon lòt paj nan istwa li. Yon lòt paj pou lemond antye tou, piske Etazini se yon pisans mondyal.
Trump prevwa mete anpil etranje deyò, diminye angajman Ameriken sou kèk priyorite mondyal tankou kesyon anviwonman, diminye sou angajman Leta nan nivo solidarite ak sa ki pi fèb yo, mete règ pwenn fè pa nan zafè komès entènasyonal, eksetera.
Anpil enkyetid nan plizyè milye. Tout siyal montre 4 an k ap vini la a kapab 4 an eprèv.
Kouman, nan kondisyon sa a, sosyete tankou Ayiti, ki deja nan yon michan kriz ap ka rive jwenn apèzman epi trase chimen li? [gp apr 09/11/2024 09:00]
Consulter +
