Pòtoprens, 14 dawout 2024 [AlterPresse] --- Nou mande sekirite pou nou retounen lakay. Nou mande sekirite pou timoun yo retounen lekòl. Kote kès asistans sosyal (Cas) ye?
Se kèk nan eslogan plizyè fanmi deplase Kafoufèy, nan yon mouvman pwotestasyon, mèkredi 14 dawout 2024 la, nan lari Pòtoprens, pou ekzije dispozisyon Leta ki ka pèmèt yo retounen lakay yo.
Manifestasyon sa a fèt yon lane depi gang ak zam Gran Ravin yo te anvayi Kafoufèy, san lapolis nasyonal pa t fè anyen pou kwape yo
Se apati dimanch 13 dawout 2023 a gang ak zam Gran Ravin yo te koumanse pouse do plizyè milye fanmi Kafoufèy.
Men, mèkredi 14 dawout 2024 la, lapolis nasyonal la te simen gaz lakimojèn sou moun ki t ap rele anmwe, pou di kouman yo grangou, yo gen difikilte pou viv nan kan deplase, kote yo sètoblije pran refij depi yon lane.
Jis rive 14 dawout 2024 la, pa gen okenn enstitisyon Leta ki di yo anyen.
Okontrè, se gaz lakinojèn yo simen sou fanmi deplase Kafoufèy sa yo, ki t ap fè tande vwa endiyasyon yo nan lari Pòtoprens, mèkredi 14 dawout 2024 la. [rc apr 14/08/2024 15:00]
Yon lane apre, plizyè fanmi deplase Kafoufèy manifeste mèkredi 14 dawout 2024 la nan Pòtoprens kont laterè gang ak zam yo.
Consulter +
