Pòtoprens, 9 jen 2024 [AlterPresse] --- Bandi ak zam asasinen polisye nasyonal 30tyèm pwomosyon Emelin Fermetus ak Peterson Clovis 32zyèm pwomosyon, dimanch 9 jen 2024 la, nan zòn San Fil, Pòtoprens, dapre enfòmasyon ki vin jwenn AlterPresse.
Polisye nasyonal Wilkens Jean Junior Piton disparèt nan atak gang ak zam yo, ki blese yon lòt polisye nasyonal epi boule yon blende lapolis.
Polisye nasyonal sa yo andedan Inite pou yon bout tan k ap goumen kont gang yo (Utag).
Se sa Sendika nasyonal polisye ayisyen yo (Synapoha) rapòte sou kont X li.
Sou bò pa l, Sendika lapolis nasyonal d Ayiti a (Spnh-17) regret anpil dèske bandi ak zam asasinen ankò polisye nasyonal, ki nan Utag, nan Pòtoprens.
Gen plizyè zam ak bal lapolis, ki nan men bandi ak zam yo apre atak dimanch 9 jen 2024 la, dapre sa Spnh-17 ekri sou kont X li.
Sendika lapolis nasyonal d Ayiti a pwofite sikonstans grav sa a, kote polisye nasyonal mouri sasinen ankò, pou ekzije revokasyon direktè jeneral lapolis la, Frantz Elbe, ak rès ekip ki nan tèt lapolis nasyonal la.
Gen plizyè kote sou Dèlma a, ki te sou tansyon, akoz kout bal gang ak zam yo t ap pete, dimanch 9 jen 2024 la. [emb rc apr 09/06/2024 20:00]
Consulter +