Pòtoprens, 3 jen 2024 [AlterPresse] --- Pou sezon siklòn 2024 la, k ap bout samdi 30 novanm 2024 la, gen 11 tanpèt ki ka tounen gwo gwo siklòn. Se pou sa, pwoteksyon sivil peyi d Ayiti mande ankò tout moun, sitou sila ki rete nan zòn difisil yo, veyatif sou konsisy sekirite nesesè yo nan moman lapli ki ka tonbe yo.
Ansyen foutbolè ki te vin antrenè foutbòl, Necker Bellevue, yo te konn rele Papa Neck, mouri anba maladi lakay li Dèlma, vandredi 31 me 2024 la.
Pwogram lamanjáy mondyal (Pam) fè konnen li pran dispozisyon pou rekoumanse pote asistans lamanjáy yo, menm nan zòn difisil yo kote gang ak zam yo ap simen laterè, tankou Site Solèy, epi al distribye manje cho nan 87 espas ki gen plizyè milye moun deplase nan zòn metwopoliten Pòtoprens lan.
Samdi premye jen 2024 la, kout bal ki t ap pete te lakoz tansyon ak kè sote nan zòn Dèlma 75. Se te ansyen polisye nasyonal ansanm ak polisye ki nan pòs kounye a avèk yon seri moun k ap dappiyanp tè ki t al anvayi yon tè, ki pou Ofins nasyonal asirans vyeyès (Lona). Se sa yon ankèt Enspeksyon jeneral lapolis nasyonal d Ayiti (IngPnh) montre.
Igpnh pwomèt pou l pran tout dispozisyon pou kwape mòd zak kriminèl sa yo, dotan plis gen polisye nasyonal ki te patisipe ansanm ak moun ki annafè avèk lajistis nan anvayi tè Dèlma 75 la, ki pou Lona. Igpn h mande popilasyon an rete veyatif epi bay lapolis akonpáyman nesesè yo kont tout fòm zak kriminèl yo.
Lona leve lavwa kont zak brigandáy endividi, ki te gen zam lou nan men yo, epi ki te gen inifòm lapolis nasyonal sou yo, t al fè sou tè l, nan Dèelma 75, samdi premye jen 2024 la. Lona mande alatèt lapolis nasyonal la pran tout dispozisyon nesesèPou kwape zak kriminèl sa a, ki sal figi enstitisyon lapolis la
Tou jis apre l fin rantre nan peyi a samdi premye jen 2024 la, premye minis tranzisyon an t al rann li kont de sitiyasyon anba lavil Pòtoprens lan, tankou nan kèk kan moun deplase, akoz laterè gang ak zam yo. Se nan machin blende Conille te fè virewon nan sant vil Pòtoprens lan, dimanch 2 jen 2024 la.
Se lendi 3 jen 2024 la Konsèy prezidan pou tranzisyon an (Kpt) remèt bay Garry Conille dokiman ki anonse yo chwazi l kòm premye minis tranzisyon nan peyi d Ayiti
Sekirite, jistis, koperasyon ant Ayiti ak Lafrans, se te tèm diskisyon ki te genyen, lendi 3 jen 2024 la, ant manm Konsèy prezidan pou tranzisyon an ak anbasadè Lafrans nan peyi d Ayiti, Fabrice Mauriès
Pou premye fwa nan listwa peyi Meksik, se yon fanm ki pral pran mayèt politik la apati premye oktòb 2024 la nan peyi latinoameriken sa a. [emb rc apr 03/06/2024 15:00]
Consulter +
