Gotson Pierre
Pòtoprens, premye jen 2024 [AlterPresse] --- Moun ki kontinye ap mouri oubyen blese anba vyolans gang yo depase 2300 pou premye trimès 2024 la. Destriksyon ap kontinye.
Pòtoprens defigire anba kout zam ak dife pandan moun ki chape, blije ap viv tankou se nan yon fim djab. Se mò vivan. Vivan melanje ak mò.
Gade nan Bwa Vèna. Apre gang fin sakaje, chase mòg anba lavil la, kounye a, nan zòn Enpas Lavaud, dapre temwayaj nou jwenn, se kòbiya ki pakin bò lari a ki sèvi mòg. Moso glas sou kadav moun pou eseye konsève yo anba solèy cho.
Ki lavi pou sivivan yo?
Anplis moun, byen, ak diyite, Ayiti prèt pou pèdi memwa l. Memwa listwa ki demantibile. Memwa lavi depi digdantan, espas konesans, espas lakilti… Se yon kout ponya Ayiti pran nan nam li. [gp apr 01/06/2024 08 :00]
Consulter +
