Español English French Kwéyol

Ayiti/Sekirite : Kesyon dwòg la

Gotson Pierre

Pòtoprens, 27 me 2024 [AlterPresse] --- Nou lavèy gwo evènman ki ka pase an Ayiti, kote fòs entènasyonal sekirite ap pare pou foure pye yo. Malgre son depaman nan kò mizik la, isit ak lòt bò, enpresyon ki klè a, gen yon operasyon enpòtan k ap prepare.

Diskou ki fèt nan Washington fè moun poze kesyon pou konnen èske se Ayiti sèlman ki konsène oubyen rejyon Karayib la limenm kote yon seri rezo devlope pandan Ayiti tounen yon ne ki marande.



Done yo ap parèt nan jou sa yo : kesyon dwòg la anndan tout sa Ayiti ap sibi la a, menmsi se pa sèl kòz. Jan politik fèt, jan lajan brase, jan sosyete a chapante ladan l tou.

Yon pati nan opinyon an kwè, defi Konsèy prezidansyèl tranzisyon an, se devlope kapasite pou manyen divès aspè sa yo pandan l ap adrese kokenn kesyon sekirite a. [gp apr 27/05/2024 12:00]



Photo : PNH