Basen Ble (Ayiti), 21 me 2024 [AlterPresse] --- Plis pase 25 moun blese, pami yo 5 grav, nan moman yon toubiyon apremidi madi 21 me 2024 la nan Basen Ble, depatman Nòdwès peyi d Ayiti, dapre premye enfòmasyon ki vin jwenn AlterPresse ak AlterRadio.
Gen anpil kay ki kraze nan evenman sa a.
Toubiyon an frape sitou katye Lasous, nan nò Basen Ble pou ale nan direksyon Pòdpè.
Prèske pa gen kay ki kanpe nan katye Lasous lan, dapre imaj disponib yo.
Nan moman toubiyon an, te gen lapli ki t ap tonbe nan Basen Ble.
Ta koumanse gen demach pou mete moun viktim yo nan abri pwovizwwa, dapre sa yon responsab konsèy ekekitif enterimè komin Basen Ble a fè AlterPresse ak AlterRadio konnen. [ppsf rc apr 21/05/2024 19:00]
Consulter +
