Gotson Pierre
Pòtoprens, 18 me 2024 [AlterPresse] --- Konstwi yon peyi, konstwi moun pou viv ladan l. Se toujou defi sa a ki devan Ayisyen, 221 an apre kreyasyon drapo li. Yon rèv libète, souverènte, men tou pwosperite ak byennèt.
Konstwi moun pou abite peyi sa a epi fè l mache. Se wòl Inivèsite, k ap fete tou senbolikman. Se wòl edikasyon ki anba gwo pataswèl, nan yon konjonkti kote vyolans avèg fè lalwa.
Rèv zansèt yo dozado ak sa Ayiti ap viv jodi a. Bilan an toujou bay kè sere, malgre divès opòtinite ki parèt atravè listwa.
Tranzisyon sa a se yon lòt opòtinite. Kouman konekte l ak ideyal 1803 yo, an menm tan tou ak rèv Ayisyen jodi a ki vle wè Ayiti chanje, ki vle wè Ayiti avanse ? [gp apr 18/05/2024 09 :00]
Consulter +
