Español English French Kwéyol

Anviwónman : 13 moun mouri nan debouláy tè, gwo lapli yo lakoz Okap

Okap, depatman Nò peyi [Ayiti], 3 me 2024 [AlterPresse] --- Se 13 moun ki pèdi lavi yo ak 3 lòt ki disparèt, nan moman gwo debouláy tè, jedi 2 me 2024 la, nan zòn Baryè Boutèy, Okap, depatman Nò peyi d Ayiti.

Gen 25 kay ki sibi gwo domaj. Gen tou 2 mil 260 lòt kay ki anba gwo dlo, nan vil Okap la.

Se yon ranmase pwoteksyon sivil peyi d Ayiti, ki vin jwenn AlterPresse ak AlterRadio.

Gwo dega sa yo, se konsekans gwo lapli ki kontinye ap tonbe sou peyi d Ayiti, depi 3 semenn.

Tout lannuit mèkredi premye pou antre jedi 2 me 2024 la, lapli a t ap tonbe byen fò nan depatman Nò a, sitou Okap kote dlo anvayi divès kote nan vil la.

Okap, tout moun anba gwo madoulè, apre yo dekouvri kò 13 moun ki pèdi lavi yo, nan kondisyon sa yo, nan zòn Baryè Boutèy lan. [ppsf rc apr 03/05/2024 10:44]

Foto : Pwoteksyon sivil Ayiti