Okap (depatman Nò/Ayiti), 2 me 2024 [AlterPresse] --- Pou pi piti 3 moun pèdi lavi yo, nan moman gwo debouláy tè, jedi 2 me 2024 la, nan zòn Baryè Boutèy, Okap, depatman Nò peyi d Ayiti, dapre temwayáy ki vin jwenn AlterPresse ak AlterRadio.
Se gwo tet chaje lakay anpil moun Okap,
apre yo dekouvri kò 3 moun sa yo, ki mouri nan debouláy tè sa a, nan zòn Baryè Boutèy, Okap, jedi 2 me 2024 lan.
Tout lannuit mèkredi premye pu antre jedi 2 me 2024 la, lapli a t ap tonbe byen fò nan depatman Nò a, sitou Okap kote dlo anvayi divès kote nan vil la.
Dimanch apremidi 28 avril 2024 la, 3 moun yon menm fanmi, pami yo yon ti gason 4 lane ak yon fanm ansent 29 lane, mouri nan Pòdpè, depatman Nòdwès, lè yon mi chavire sou kay yo te ladan an.
Gwo lapli sa yo te lakoz, dimanch 28 avril 2024 la, debouláy tè, ki fè yon mi tonbe sou kay kote 3 moun menm fanmi sa a te ye nan zòn ri lopital, Pòdpè.
Se Widaens Belfort, yon ti gason 4 lane, Yoldine Sila, yon fanm ansent 29 lane, ak Elda Belfort, 58 lane, ki mouri, lè yon mi tonbe sou kay kote yo te ye a. Dram sa a rive nan ri lopital vil Pòdpè, depatman Nòdwès.
Gen plis pase 200 kay ki te anvayi ak dlo nan depatman Nòdwes la, nan lapli k ap tonbe depi vandredi 27 avril 2024 la, dapre yon ranmase pwoteksyon sivil.
Menm dimanch apremidi 28 avril 2024 la, dlo k ap desann ak anpil fòs yo te lakoz gwo domaj nan yon pon sou ki separe wout komin Sen Lwi diNò ak Ansafolè a, depatman Nòdwès. [ppsf rc apr 02/05 /2024 14:00]
Fotos Okap ayisyen : koutwazi jounalis Love Mackendy Paul
Consulter +
