Gotson Pierre
Pòtoprens, 27 avril 2024 [AlterPresse] --- Pa gaspiye lespwa. Se yon kout rèl plizyè òganizasyon nan dyaspora a lanse bay Konsèy prezidansyèl tranzisyon ki monte sou pouvwa a 25 avril la.
Malgre tout seremoni pase byen nan palè nasyonal ak nan primati, nan jou sa a, yon pati nan popilasyon an sibi ankò.
Yon egzanp, se sa k pase jou sa a nan Dèlma, kote bandi sanble pase raj yo sou popilasyon an. Manman pitit ki rive sove ak ti moun nan men yo, di nou kouman yo wè lanmò kri devan yo.
Kriz sa a, jan òganizasyon nan dyaspora yo di l, se yon kriz lanmò, se yon kriz kraze brize. An n di se yon operasyon pou rive menm touye nanm Ayisyen.
Èske Konsèy prezidansyèl la ap kapab ouvè kè l, mobilize tout syans li ak konsyans li pou rive soulaje gwo soufrans peyi a? [gp apr 27/04/2024 12:00]
Nan moman Ayiti antre nan yon lòt tranzisyon, konfrè jounalis Ives-Marie Chanel ap analize divès atant ki genyen nan sosyete a.
Consulter +