Haiti
Atik

Ayiti : Fanmi Lavalas fè pati 63 pati ki enskri pou patisipe nan eleksyon yo


Ekri jou madi 9 out 2005

Pòtoprens 9 dawou 2005 [AlterPresse] --- Fanmi lavalas, pati ansyen prezidan Jean Bertrand Aristide la, prezante nan Konsey Elektoral Pwovizwa (KEP) jounen 08 dawou 2005 la epi li enskri pou pasipe nan eleksyon k gen pou fet nan peyi a nan finisman ane 2005 la.

Fanmi lavalas vin 63èm pati ki enskri sou lis pati ki vle al nan eleksyon yo, dapre yon lis AlterPresse jwenn nan KEP a.

Depi zòn 11 zè nan maten, jounalis te deja poste arebò biwo KEP a pou founi je gade si wi ou non lavalas ki pat janm vle tande pale de eleksyon t ap vin enskri nan dènye jou a KEP a te prevwa pou fèmen operasyon enskripsyon pati yo.

Vè 2 zè nan laprè midi, 3 ansyen palmantè lavalas : Yvon Feuillé, Louis Gérald Gilles ak Rudy Hériveaux prezante nan biwo KEP a epi ranpli fòmalite yo. Te gen yon dizèn senpatizan pati a ki te akompaye mesye yo.

Lavalasyen yo te trè alez nan moman enskripsyon an. Yo menú voye pwent. Yvon Feuillé deklare : « Lavalas ap desann, kè yo sote ».

Nan premye deklarasyon l fè, ansyen prezidan chanm depite sou rejim lavalas la Rudy Hériveaux te fè konnen lavalas enskri pou fini ak “pèsekisyon politik†senpatizan l yo ap sibi, ak pou pèmèt “ekzile politik†yo tounen lakay yo, san l pa mansyone non pèsonn.

KEP a fè konen gen anviwon 1,8 milyon elektè ki deja enskri nan pwosesis la.[lf gp apr 09/08/2005 10 :30]