Kafou (Ayiti), 13 fevriye 2024 [AlterPresse] --- Gang ak zam, k ap eseye anvayi plizyè katye nan komin Kafou, toujou ap tire anpil kout zam nan zòn sa a depi plizyè jou, dapre enfòmasyon ki rive jwenn AlterPresse ak AlterRadio.
Madi 13 fevriye 2024 la, yo te kontinye ap pete ba nan tèt moun Kafou, ki pa konn si pou yo monte si pou yo desann.
Gang ak zam sa yo, k ap eseye pran plis teritwa nan komin Kafou, gen tan rive jis sou mòn Mawotyè 87, dapre temwayay ki vin jwenn AlterPresse ak AlterRadio.
Lapolis yo pa vrèman fè anyen pou kwape zak kriininèl sa yo.
Anpil moun Kafou gen tan kite plizyè zòn, tankou Rivyè fwad, Bèten, Demichèl, Lagrenad, Sapotiy, elatriye.
Lendi 12 fevriye 2024 la, moun ki rete nan zòn Rivyè Fwad, 11zyèm seksyon kominal Kafou, touye, koupe tèt epi mete dife sou Michel Jean, manm Konsèy administrassyon seksyon kominal (Kasèk) zòn nan.
Yo akize Michel Jean kòm siveye rapòte, yon moun ki ta bay bandi yo enfòmasyon pou vin anvayi zòn nan. [emb rc apr 13/02/2024 18:36]
Consulter +
