Kafou (Ayiti), 9 fevriye 2024 [AlterPresse] --- Yon pakèt fanmi kontinye ap kouri kite kay yo nan komin Kafou, sou wout nasyonal nimewo 2 a, espesyalman nan Lagrenad, Platali, Tisous, Sapotiy, akoz vyolans gang ak zam ap fè nan zòn nan depi plizyè jou, dapre enfòmasyon ki rive jwenn AlterPresse.
Sityasyon sa a mete anpil moun nan popilasyon an nan gwo laperèz nan plizyè katye Kafou.
Koumansman jounen vandredi 9 fevriye 2024 la, moun nan zòn Sapotiy pa t tande tire, kontrèman ak jedi 8 fevriye 2024 la, lè te gen anpil tire, dapre kèk temwayáy.
Pou vandredi 9 fevriye 2024 la, gen plis machin nan lari, bank yo louvri. Gen plis moun ak ti machann nan lari a, dapre sa yon kolaboratè AlterPresse/AlterRadio wè.
Maten vandredi 9 fevriye 2024 la, gen ti pasaj Maryani, ki sou kontwòl gang ak zam depi mèkredi premye novanm 2023 ki sot pase a, dapre sa kèk chofè moto fè konnen.
Ta sanble gen kèk machin pwovens ki rive antre ak machandiz soti nan Gran Sid la, dapre menm temwayáy sa yo ki rive jwenn AlterPresse ak AlterRadio. [pac emb rc apr 09/02/2024 11:20]
Consulter +
