Pòtoprens, 18 janvye 2024 [AlterPresse] --- Jedi 18 janvye 2024 la, Espesyalis nan antropoloji (ki etidye fason moun ap layite nan sosyete yo) Bernard Ethéart, ansyen direktè jeneral (peryòd 1995 pou rive lane 2013) Enstiti nasyonal refòm agrè a (Inara), mouri ak 86 lane sou tèt li nan Florid, peyi Etazini, dapre enfòmasyon ki vin jwenn AlterPresse ak AlterRadio.
Bernard Ethéart, ki te fèt nan dat 4 jen 1937, te malad. Li te sibi operasyon nan kè l nan dènye jou sa yo.
Bernard Ethéart, se mari jounalis Elsie Ethéart k ap feraye nan jounal Haïti en marche ak Radyo Melodie Fm. Yo te gen 2 pitit, yon gason ak yon fi.
Bernard Ethéart te konn ekri tanzantan nan jounal Haiti en Marche. Li te gen anpil esperyans nan travay sou teren an, plizyè kote nan peyi d Ayiti.
AlterPresse ak AlterRadio wete chapo l nan memwa Bernard Ethéart epi voye senpati l bay fanmi l ak tout sila ki pwòch li. [rc apr 18/01/2024 12:00]
Consulter +
