Pòtoprens, 18 desaanm 2023 [AlterPresse] --- Disi mèkredi 20 desanm 2023 a, ap gen gwo kout van ak bon jan aktivite lapli, ki ka lakoz dlo desann bridsoukou, pandan jounen an ak aswè, nan depatman Nòdès, Nò, Plato santral, Latibonit, Nòdwès, Sidès, Sid ak Grandans.
Se enfòmasyon AlterPresse li nan dènye bilten espesyalis ayisyen yo nan kondisyon tan an.
Se pou sa, tout sila ki rete nan zòn difisil yo, kote ki ka gen inondasyon ak debouláy tè yo, dwe rete veyatif, detan yo va respekte konsiy sekirite nesesè yo nan moman gwo lapli sa yo.
Se avètisman sa a espesyalis ayisyen yo nan kondisyon tan an báy.
Jisteman, gen yon mas lè fret ki soti nan Lès zile kiba pou rive bò kòt Sidès peyi Nikaragwa. Se mas lè fret sa a ki gen enfliyans sou bon pati gwo zile Karayib yo, jodi a.
Se yon sitiyasyon k ap báy kout van ak bon jan aktivite lapli, nan apremidi ak aswè, sou depatman Nòdès, Nò, Plato santral, Latibonit, Nòdwès, Sidès, Sid ak Grandans.
Depi maten lendi 18 desanm 2023 a, lapli a t ap tonbe sou komin Baradè, nan depatman Nip la.
Konsekans move tan an sou aktivite avyon yo
Lendi 18 desaanm 2023 a, avyon pa t ka vwayaje ale Okay, depatman Sid, dapre temwayáy ki vin jwenn AlterPresse ak AlterRadio.
Gen yon avyon ki te sètoblije kase tèt tounen Pòtoprens, apre pilòt la te jwenn gwo difikilte pou ateri pandan 5 fwa nan aryopò Antoine Simon Okay la.
Kondisyon jeneral tan an sou peyi d Ayiti
Tan an fèmen, ap gen lapli ak kout van divès kote pandan jounen an.
Gen nýáj depi nan maten.
Soti nan nivo 33 degre Sèlsiyis, tanperati a pral desann ant 24 pou al 21 degre Sèlsiyis, nan aswè.
Tanperati a kontinye fre lannuit yo.
Prekosyon nesesè sou lanmè a
Detan yo va evite rantre nan fon lanmè a, k ap move anpil anpil, kaptenn bato, chaloup, bwa fouye yo, dwe pran prekosyon nesesè yo bò tout kòt peyi d Ayiti yo.
Vag yo ap monte nan nivo 8 pye wotè bò kòt Nò yo ak 5 pye wotè bò kòt Sid peyi d Ayiti yo. [ppsf rc apr 18/12/2023 11:05]
Consulter +
