Pòtoprens, 9 avril 2023 [AlterPresse] --- Yon sitiyasyon panik ap devlope nan Monwi, Latibonit, kote endividi ak zam debake nan plizyè kominote, yo simen laterè. Yo atake moun epi boule omwen yon kenzèn kay, dapre temwayaj ki vin jwenn AlterPresse.
Se plizyè dizèn moun ak zam k ap tire san rete, depi jedi pase 6 avril 2023 a, epi ki mete dife nan yon bann kay. Samdi 8 avril 2023 a, sa vin grav nèt, dapre sa òganizasyon Tèt Kole ti Peyizan, ki gen baz li nan zòn nan, fè konnen.
Temwen yo pa konn si gen moun ki mouri, men gen moun yo pa wè. Anpil peyizan blije antre anba raje pou wè si yo va chape poul yo.
Zak bandi sou moun Monwi yo rive nan moman yon sitiyasyon laterè kontinye apr pran pye nan divès zòn nan peyi a. Latibonit se youn nan zòn bandi achte lajan kontan, menm jan ak yon bann katye nan Pòtoprens, kote popilasyon an lage san sekou anba bandi ak zam, ki kontinye ap touye ak dechèpiye. [apr 09/04/2023 21:00]
Consulter +