Pòtoprens, 09 fev. 2023 [AlterPresse] --- Ak konkou avoka ak espesyalis labank Ozetazini, biznismann ayisyen Gilbert Bigio ak Sherif Abdallah te nan makònay ak pou pi piti 20 biznis kache, ki t ap kouri pou jwenn avantay pa peye taks nan yon seri peyi etranje, dapre enfòmasyon AlterPresse konsilte.
Enfòmasyon yo soti nan ankèt yon jounalis, ki andedan gwoup entènasyonal jounalis k ap fouye chèche enfòmasyon sou divès kozman « The International Consortium of Investigative Journalists », yo plis konnen sou non Icij.
Atik la fè konnen Bigio ak Abdallah pa reponn jounalis la ki te voye mande yo kòmantè yo sou dosye a.
Depi mwa novanm 2022 a, dèske yo konsidere yo kòm sispèk nan kore aktivite gang ak zam yo, nan peyi d Ayiti, gouvènman Kanada ak Etazini te deside pran sanksyon kont biznismann ayisyen Gilbert Bigio ak Sherif Abdallah. [apr 09/02/2022 13 :40]
Consulter +
