Pòtoprens, 16 dawout 2022 [AlterPresse]--- Toujou gen imidite, sou zile Karayib yo, jodi a.
Se yon sitiyasyon, k ap bay lapli, ki mache ak loray, nan apremidi ak aswè, sou depatman Nòdès, Nò, Plato santral, Latibonit, Grandans, Nip ak Lwès, kote nou jwenn zòn metwopoliten Pòtoprens lan, dapre dènye bilten espesyalis ayisyen yo nan kondisyon tan an, ki vin jwenn AlterPresse.
Gen van, k ap soufle, divès kote, sou depatman peyi d Ayiti yo, pandan jounen an.
Gen gwo solèy, nan maten. Ap gen nyaj, epi tan an pral fèmen, nan apremidi ak aswè.
Jan sa ye depi plizyè semenn, nivo chalè a toujou wo anpil, sou peyi d Ayiti.
Soti nan nivo 36 degre Sèlsiyis, tanperati a pral desann, ant 26 pou al 22 degre Sèlsiyis, nan aswè.
Kaptenn bato, chaloup, bwa fouye yo, dwe toujou pran prekosyon nesesè yo, sou lanmè a, bò tout kòt peyi d Ayiti yo. [apr 16/08/2022 13:10]
Consulter +
