Pòtoprens, 09 mas 2022 [AlterPresse] --- Jis rive finisman semenn sa a, aktivite lapli, ki mache ak loray yo, pral rapousuiv, nan finisman apremidi ak aswè, sou depatman Plato santral, Latibonit, Sidès, Sid, Nip ak Lwès, kote nou jwenn zòn metwopoliten Pòtoprens lan, dapre sa AlterPresse li nan dènye bilten espesyalis ayisyen yo nan kondisyon tan an.
Aktivite lapli yo ap pèsiste, sou zòn Sid yo, pandan jounen an.
Pou finisman semenn sa a, gen danje inondasyon, dlo k ap desann bridsoukou, sou depatman Sidès, Sid ak Grandans, dapre espesyalis ayisyen yo nan kondisyon tan an.
Detan gen nyaj, lapli k ap tonbe sou depatman Sid ak Grandans, gen solèy sou rès peyi d Ayiti yo, nan maten.
Ap gen nyaj, tan an pral mare, nan finisman apremidi ak aswè.
Soti nan nivo 32 degre Sèlsiyis, tanperati a pral desann, ant 24 pou al 20 degre Sèlsiyis, nan aswè.
Kaptenn bato, chaloup, bwa fouye yo, dwe evite rantre nan fon lanmè a, k ap move anpil anpil, bò tout kòt peyi d Ayiti yo.
Vag yo ap monte nan nivo 7 pye wotè, ni bò kòt Nò yo, ni bò kòt Sid peyi d Ayiti yo. [rc apr 09/03/2022 11:00]
Consulter +
