Pòtoprens, 24 janvye 2022 [AlterPresse] --- Dimanch maten 23 janvye 2022 a,bandi ak zam Matisan yo lage doktè fam kiben Daymara Helen Pérez Alabedra, yo te kidnape depi jedi 13 janvye 2022 an, nan Matisan (sid kapital la), dapre anbasad Kiba nan peyi d Ayiti.
« Nou apran Doktè a anfòm, li gen tan ak kontak ak pwòch li nan peyi Kiba », dapre enfòmasyon anbasad Kiba a, ki vin jwenn AlterPresse.
Nan mwa janvye 2022 a, lòt gwoup bandi ak zam te lage tou 2 enjenyè kiben Andrid Alfredo Abad ak Enides Galano, yo te kidnape samdi 18 desanm 2021 an, nan Pòtoprens, dapre anbasad Kiba nan peyi d Ayiti.
Anbasad la pa di ni ki lè, nan mwa janvye 2022 a, ni si bandi yo te resevwa lajan pou lage 2 enjenyè kiben yo. [jep emb rc apr 24/01/2022 11:40]
Consulter +