Pòtoprens, 2 desanm 2021 [AlterPresse] --- Apre desizyon Lakou dapel Pòtoprens, lendi 29 novanm 2021 an, se finalman mèkredi premye desanm 2021 ansyen depite Delma-Taba a, Arnel Bélizaire, ak 5 lòt prizonye politik soti nan prizon, kote yo sot pase 2 lane, depi arestasyon yo samdi 30 novanm 2019 la, nan Jakmèl, depatman Sidès, dapre enfomasyon ki vin jwenn AlterPresse.
Nan yon desizyon li pran, lendi apremidi 29 novanm 2021 an, Lakou dapèl Pòtoprens te bay lòd, pou lage ansyen depite Dèlma/Taba a, Arnel Belizaire, ansanm ak 5 lòt prizonye politik, ki te fèmen nan prizon depi samdi 30 novanm 2019.
Yo te akize 6 prizonye politik sa yo kòm moun, ki ta gen zam lalwa pa rekonèt, epi ki ta nan asosyasyon malfektè ak nan konplo kont Leta.
Lapolis te arete Arnel Bélizaire ansanm ak Killik Cemelus Pierre, Clermont Bélizaire, Joanel Paul, Garry Philémon, Mackenton Estoril, nan Jakmèl, depatman Sidès. Lapolis te di li sezi plizyè fizi, pistolè ak bal nan men mesye sa yo. [emb rc apr 02/12/2021 12:30]
Consulter +
