Haiti
Atik

Ayiti-Klima laterè : Gang kriminèl asasinen atis Anderson Bélony epi fè kadejak sou fanm nan Nway, komin Kwadèboukè


Ekri jou mèkredi 13 oktòb 2021

Pòtoprens, 13 oktòb 2021 [AlterPresse] --- Depi plizyè jou, gang kriminèl ak zam yo ap simen laterè nan Nway (village de Noailles), vilaj atis fè dekoupe yo nan Kwadèboukè (nodès kapital Pòtoprens la), dapre enfòmasyon ki rive jwenn AlterPresse.

Lannuit lendi 11 pou antre madi 12 oktòb 2021 an, yo simen bal sou plizyè kay, kote yo asasinen atis Anderson Bélony apre yo te fin femen l yon kote, fè kadejak sou fanm ak fè anpil lòt zak vyolans ak kraze brize, san lapolis pa fè anyen pou kwape yo.

Bandi yo te atake kote atis Bélony rete a, ki se yon espas vodou, yon eritaj fanmi l.

Kay sa a, se kote pi pi ansyen nan vilaj Nway la (village de Noailles). Ladann, ou jwenn penti sou mi, ki la depi lane 1950 yo. [emb rc apr 13/10/2021 17:00]