Pòtoprens, 21 septanm 2021 [AlterPresse]--- Dimanch 19 septanm 2021 an, bandi ak zam touye, nan Dèlma, anba bal, nan machin li, yon biznismann, ki se manm konsèy administrasyon makèt Dèlma 2000, dapre enfòmasyon ki vin jwenn ajans AlterPresse.
Jedi 9 septanm 2021 an, bandi te touye anba bal nan Santo, komin Kwadèboukè (nan nòdès kapital la), yon biznismann ki rele Jose Pablo Sylvain, prezidan Asosyasyon ki voye vann mango ayisyen aletranje, ki se tou vis prezidan Asosyasyon nasyonal pwopriyetè estasyon sèvis yo.
Lapolis ak Lajistis poko ka mete yon bout nan klima laterè sa yo, k ap vale teren depi kèk tan nan peyi a, sitou nan katye popilè yo, ki nan zòn metropoliten Pòtoprens lan, kote bandi ak zam yo ap dikte lwa pa yo. [apr 21/09/2021 09:15]
Consulter +
