Pòtoprens 6 septanm 2021 [AlterPresse] --- Samdi 4 septanm 2021 an, te gen gwo tansyon nan komin Kwadèboukè, kote bandi ak zam t ap twoke kout zam ak lapolis, dapre enfòmasyon ki rive jwenn AlterPresse/AlterRadio.
Te gen tou latwoublay, nan zòn Torcelle, pa twò lwen wout Frè, Petyonvil, kote yon kamyon kankannen nan dife.
Yon lòt bò, Lapolis nasyonal d Ayiti fè konnen li arete 10 moun, li sispèk ki ta bandi, nan operasyon li mennen nan Kwadèboukè, samdi 4 septanm 2021 an.
Depi plizyè mwa, gwoup gang ak zam yo ap gaye toupatou sou teritwa nasyonal la, anba je lapolis, ki pa fè anyen pou kwape yo. Y ap fè krim, kidnaping, trafik ògán, trafik dwòg, dapre sa òganis Gadyen dwa moun yo wè k ap pase nan peyi d Ayiti. [apr 06/09/2021 09:30]
Consulter +
